افغانستان ایکینچیلیک وزیرلیگی رسمی‌لری‌نینگ ایتیشیچه، خصوصی بولیم و اوشبو وزیرلیک تامانیدن تاووق اسره‌ش فارم‌لر قوریلیشی‌ده سرمایه یاتقزیلماقده و حاضرگچه تاووق اسره‌ش فارم‌لر قوریلیشی‌ده 768 میلیون دالر سرمایه یاتقزیلگن.
اوشبو مسؤوللرگه کوره، مملکت‌ده سونگی ایکی ییل‌ده تاووق اسره‌ش و تاووق اوچون آذیق اوقت ایشلب چیقاریش اوچون 5250 کیچیک فارم، 208 اورته فارم و 15 دن آرتیق کته فارم قوریلگن.
ایکینچیلیک و سوو ییتکزیش وزیرلیگی سوزلاوچیسی لطف‌الله راشدنینگ ایتیشیچه، اوشبو سرمایه یاتقزیش‌ده، مذکور وزیرلیک 40 فایز سهم آلگن. جناب راشدگه کوره، بو مقدار پول بیلن تاووق ایتی‌نی بسته‌کارلیک و پروسس قیله‌دیگن ایش خانه‌لر، چوجه ایشلب چیقاره‌دیگن ماشین، تاووق‌لر اوچون آذیق اوقت تیارلش و سویه‌دیگن ییر اوچون سرمایه یاتقزیلگن.
ایکینچیلیک وزیرلیگی سوزلاوچیسی‌نینگ ایتیشیچه، تاووق اسره‌ش فارم‌لر قوریلیشی‌ده سرمایه یاتقزووچی‌لرگه زمینه یره‌تیلگن و سرمایه‌دارلر بو بولیم‌ده سرمایه یاتقزه‌آله‌دی.
شونینگ‌دیک، صنعت و سوداگرلیک اتاقی رسمی‌لری، مملکت‌ده تاووق اسره‌ش فارم‌لر ایجاد ایتیلیشی توغریسیده سرمایه یاتقزیش‌لر میزانی آشگنینی خوش قرشی‌لب ایتیشیچه، ایکی ییل‌دن بویان سرمایه یاتقزووچی‌لر تاووق اسره‌ش فارم لری توغریسیده سرمایه یاتقزیش میزانی آشگن.
صنعت و سوداگرلیک اتاقی سوزلاوچیسی صیام پسرلی، حکومت‌دن اوشبو بولیم‌ده کوپراق سرمایه یاتقزیلیشی اوچون سرمایه یاتقزووچی‌لرگه زمینه یره‌تیشی‌نی سوره‌یدی.
صنعت و سوداگرلیک اتاقی رسمی‌لری‌نینگ ایتیشیچه، نیچه وقت آلدین، حکومت سرمایه یاتقزووچی‌لردن حمایه قیلیش نیتی‌ده چیت ایل مملکت‌لردن آلیب کیلینه‌دیگن تاووق ایتی و یومورتقه‌سیگه تعرفه چیقاردی و بو ایش مملکت بازارلریده تاووق ایتی و یومورتقه بهاسی کوتریلیشی‌گه سبب بولدی.
