افغانستان قیشلاقلر ترقیات وزیرلیگینینگ مسووللری، کیلگوسی هفته ملی ایش تاپیش لایحهسینینگ ایکینچی باسقیچی باشلهنیشی بیلن هرات، بامیان، بادغیس، غور و فراه ولایتلریده 76مینگ کیشی ایش جایی بیلن تامین بوله دیلر دیگن.
مملکت قیشلاقلرنی رواجلنتیریش وزیرلیگینینگ سوزلاوچیسی اکبر رستمی بوگون (چهارشنبه) کابل ده اوتکزیلگن خبری اولتیریشده، تینچ لیک اوچون ملی ایش تاپیش لایحهسی یول، کوپریک، استنادی دیوارلر، سوولنتیریش کاناللر و بنالرنی سقلب محافظت ایتیشدن عبارت ایکن لیگینی ایتگن.
جناب رستمیگه کوره، بو لایحهنینگ ایکینچی دوری ایتالیا مالی حسابیگه باشلنهدی. 695 میلیون افغانی دن عبارت بو لایحه ملی بیردملیک برنامهسی آرقهلی عملی ایتیلهدی.
تینچلیک اوچون ملی ایش تاپیش لایحهسینینگ بیرینچی باسقیچی آلتی آی آلدین 12 ولایتده باشلنگن ایدی. تورت میلیارد افغانی عمومی بودجه دن عبارت اوشبو لایحه اساسیده 235 کیشی ایش جایی بیلن تامین بولیب، 4 مینگ قیته قوریش لایحهنی بجریشگه زمینه یرهتیلگن ایدی.