بامیان مدنی فعاللری و یشاوچیلریدن بیرقطاری، غزنی و کابل غربیده موعود تعلیمات مرکزی ده تینچ اهالی اولدیریلگنی گه قرشی عکسالعمل بیلدیریب و ایکی کوندن بویان افغانستانده بیرلشگن ملتلر تشکیلاتینینگ اورین باسرلیک دفتری و بامیان حاکمینینگ دفترینی اونگیده تحصن خیمه قوریب و آچلیک اعلان قیلگنلر. اوشبو تحصن خیمه دستلب مدنی فعاللر نمایشی بیر حرکت بیلن ملی بیرلیک حکومت باشلیغلرینینگ تابوتینی کومگندن سونگ، قوریلگن.
اعتراضچیلرنینگ ایتیشیچه، افغانستانده سونگی ییللر اولدیریشلری نظاممند بولیب و خاص قوم نینگ نخبهلری نشان گه آلینهدی.
اعتراضچیلردن بیری عبدالله دانشیارنینگ ایتیشیچه، دنیا جماعهچیلیگی افغانستان گه حقیقتنی تاپووچی بیر هیأت یوباریب و مملکتده تینچ اهالی نظاممند شکلده اولدیریلیشینی تیکشیریشی کیرهک.
دانشیارگه کوره، قطار کیشیلر حکومت ایچیده داعش آتی دن فایدهلنیب و خاص بیر قومنینگ تینچ اهالیسینی اولدیریشینی مدیریت قیلهدی.
اعتراضچیلردن باشقه بیری رضا کرمانی، حکومتنی ظرفیتسیزلیک و یشاوچیلرنینگ خوفسیزلیگینی تأمینلش دقت سیزلیککه عیبلب ایتیشیچه، افغانستانده هزارهلر دموکراسی قربانی بولگن.
بامیان یشاوچیلری و مدنی فعاللری، مملکتده ناتینچلیکلر کونسایین کوپهییب باره یاتگن بیرچاغیده، اعتراض بیلدیریب و آچلیک اعلان قیلگن. سونگی بیر هفته ده کابل و غزنی ده اونلرچه تینچ اهالی هلاک ایتیلیب و یره لنگن.