بیر ییل اوتدی؛ افغانستان‌گه آتی باغلنگن عیال‌نینگ اولیمی نشانلندی

افغانستان سیاسی، فرهنگی و تانیقلی شخصیت‎لری،  افغانستانی دنیاگه تانیتیش اوچون یرم عمری‎نی اوتکزگن خانم‎دن یاد قیلیش اوچون بیر ییرده توپله‎نگن‎لر.

نانسی دوپری 1950- ییل افغانستان بیلن آشنا بولدی و اوندن سونگ نیچه مرته افغانستان کیلدی و ییل‎لر بویچه اوشبو مملکت‎ده تیریک‎چیلیک قیلدی.

کابل بیلیم یورتی‎نینگ باشلیغی حمیدالله فاروقی‎نینگ خانم دوپری دن یاد قیلیش مراسمی‎ده ایتیشیچه، حاضرده اوشبو خانم یوق، بیراق اونینگ یاردم‎چی‎لری افغانستان معلومات مرکزیده اونینگ آرمان و اهداف‎لرینی تعقیب قیله‎دی.

نانسی دوپری نیچه ییل آلدین کابل بیلیم یورتی ساحه‎سیگه ینگی بیر بنانی قدیمی طرح بیلن «افغانستان معلومات منبع‎سی مرکزی» اسمیده قوردی و هرکون اون‎لرچه اوقووچی‎لر و تحقیقاتچی‎لر اوشبو مرکزگه مراجعت قیله‎دی.

خانم نانسی‎نینگ ییقین دوست‎لریدن بیری نظیف شهرانی‎نینگ ایتیشیچه، افغانستانده جهاد باشلنگن‎دن سونگ خانم دوپری پاکستان کیتی. او پاکستانده بولگن پیت‎لر افغانستان خلقی‎گه کوپینچه همکارلیک قیلگن و افغانستان‎گه تیگیشلی بولگن کتاب‎لر و چاپی کونده‎لیکلرنی توپله‎ب افغانستان‎گه کیلتیرگن.

نانسی دوپری قویاش 1341-ییل کابل‎گه کیلدی و تورمش اورتاغی لویس دوپری بیلن 15 ییل افغانستانده باستان‎شناسلیک خصوصیده سعی و حرکت قیلیب و مملکت بوتون ولایت‎لریگه سفر قیلگن. او اوتکن ییل سپتامبر آی‎نینگ 10 ده 90 یاشیده دنیادن کوز یوم‎گن.