بیرلشگن ملتلر تشکیلاتی نینگ باش کاکتبی آنتونیوگوترش بوگون (چهارشنبه) آلدیندن اعلان قیلینمه‌گن بیر سفر بیلن کابل کیلدی. او، ملی بیرلیک حکومتی نینگ رهبری و ایچکی آواره‌لر بیلن اوچره‌شگن.
ملی بیرلیک حکومت رهبرلری بیلن اوچره‌شیب ملاقات قیلگن بی می تی نینگ باش کاتبی خبر بیر ییغینده، افغانستان رهبرلری خواطرلرینی تشکلات نینگ خوفسیزلیک کینگشی گه آلیب باریش نی ایتگن. بو تشویشلر نیمه دن عبارت بولگن لیگی باره‌سیده بیرار نرسه دیمه گن.
اما بوندن آلدین ملی بیرلیک حکومتی نینگ رهبرلری پاکستان نینگ افغانستان ایچکی ایشلریگه ارهلشگنی و طالبان گروهی رسمی اسلام آباد آرقه‌لی قوللب قوتلگنی توغریسیده خواطر بیلدیرگن ایدی.
افغانستان حکومت انده – سنده بو ادعالرنی اثباتلاوچی بعضی بیر حجتلرنی بیرلشگن ملتلر تشکیلاتی نینگ امنیت کینگشی گه تاپشیریشی توغریسیده آگاهلنتیره‌دی.
بی می تی نینگ باش کاتبی آنتونیو گوترش، افغانستان حکومتی نینگ پاکستان ترورچی گروهلرنی حمایت قیلگنی خصوصیده گی حجتلر حقیده تشکیلات نینگ امنیت کینگشی قرار آله دی دیگن. اما، رسمی اسلام اباد و کابل موجود قیین چیلیکلرنی مذاکره آرقه‌لی حل قیلیشلری یخشی دیگن.
بیرلشگن ملتلر تشکیلاتی نینگ کاتبی اخیرگی وقتلرده افغانستان و پاکستان دهشتلی واقعهلرنینگ گواهی بولگن لیگی باره‌سیده هم اشاره قیلگن.
تشکیلات نینگ باش کاتبی افغانستان‌ده‌گی اوروش تامانلریدن تینچلیک مذاکرهسیگه لبیک دیب یره‌ش جریانیگه قوشیلشلرینی طلب قیلگن.
