گزارشلر اساسیده، بیرلشگن عرب امیریلگی نینگ افغانستانده‌گی ایلچیسی قندهارده روی بیرگن پارتلش هجومدن آغیر یره‌دار بولگن‌لیگی دلیل حیاتدن کوز یومگن.
بیرلشگن عرب امیرلیگی نینگ ترقتگن گزارشلریگه کوره، اوتگن آی مملکتی نینگ افغانستانده‌گی ایلچیسی جمعة الکعبی قندهار ولایت ساختمانیده اویوشتیریلگن پارتلاوده یره‌لنگن ایدی، بوگون عالمدن اوتگن.
جاری ییل 21نچی جدی آقشامی بیرلشگن عرب امیرلیگی ایلچیسی کوپلب تجارلر بیلن قندهار ولایتی ساختمانیده مذکور ولایت والیسی همایون عزیزی بیلن اوچره‌شوو اوتکزیش نیتیده بارگن ایدیلر، پارتلاو حادثه‌سی روی بیردی.
قندهار امنیتی رسمیلری، حادثه مسؤولیتینی حقانی ترورچی ترماغیگه نسبت بیرگن ایدی.
حادثه‌ده عرب دیپلماتلریدن 5 ته‌سی، ملی مجلس نینگ ایکی اعضاسی سید سراج سفری و باز محمد جوزجانی و بیر افغان تیلمانچی قوشیمچه 11 کیشی جان بیردی و قندهار والیسی همایون عزیزی، بیرلشگن عرب امیریلیگی نینگ افغانستانده‌گی ایلچیسی جمعة الکعبی و کوپلب سوداگرلر قوشیمچه 18 کیشی تن جراحتی آلگن ایدی.
