بو آقشام افغانستان و سنگاپور تیملری اوچره‌شه‌دی

افغانستان ملی فوتبال تیمی بو آقشام سنگاپور بیلن اوچره‌شه‌دی. اوچره‌شوو کیچه افغانستان وقتی بیلن ساعت سکیز یریم ده قطرنینگ دوحه شهریده بولیب اوته‌دی.

افغانستان و سنگاپور تیملری 25مینگ کیشی سیغیشی مول‌جللنگن احمدابن علی سپورت میدانیده مسابقه اوتکزه‌دی.

بو اوچینچی مرته افغانستان و سنگاپور تیملری بیلشوو اوتکزه‌دی.

افغانستانلیک اویینچیلر بیر هفته‌دن بیری قطرده فوتبال مشقی بیلن مشغول ایدی.

افغانستان فوتبال تیمی نینگ مسوولی علی‌عسکر لعلی نینگ سلام‌وطندارگه ایتیشیچه، سنگاپور بیلن مسابقه اوتکزیش و بیر هفته فوتبال مشقلرینی آلغه آلیب باریش افغانستان‌گه ویتنام بیلن قیله‌جک مسابقه اوچون ییریک اهمیت‌گه ایگه.

افغانستان فوتبال تیمی ویتنام بیلن اوچره‌شیش مقصدیده ایرته تاجیکستان پایتختی دوشنبه‌گه باریشی کوتیله‌دی. مملکت فوتبال تیمی 2019 – ییل آسیا فوتبال بیلشووی دستلبکی مسابقه‌سی نینگ اوچینچی اویینی‌گه چیقه‌دی.

خلق ارا فوتبال فدراسیونی نینگ ترتیبی اساسیده بو ایکّی مملکت 156 و 163 اورین‌ده تورگن بیر پئیت‌ده افغانستان و سنگاپور تیمیلری اوچره‌شیشی ریجه‌لنتیریلگن.