نمایندهلر مجلسینینگ بوگون (چهارشنبه) عمومی ییغینگه مالیه، فواید عامه و قیشلاقلرنی رواجلنتیریش وزیرلری ترقیات لایحهلر توغریسیده معلومات بیریش اوچون چقیریلگن ایدی.
قیشلاقلرنی رواجلنتیریش وزیری نصیراحمد درانی مجلس نمایندهلر سوراغیگه جواب بیره دیگن پیتده کنر ولایت نینگ مجلس ده گی نمایندهسی اونگه قرشی هجوم قیلگن.
گواهلرگه کوره، جناب مشوانی باجخانهلر بارهسیده وزیرگه سوال بیرگن، حال بوگون موضوع ترقیات لایحهلرگه تیگیشلی بولگن، انه شو سبب اونینگ مایکی مجلس کاتبی عرفان الله غرفان تامانیدن اوچیریلیشی قرار آلینگن.
قیشلاقلرنی رواجلنتیریش وزیرینینگ حادثهدن سونگ ایتیشیچه، جناب مشوانی پروژهلردن بیرتهسیدن 20% حق آلیش اوچون وزیرلککه کیلگن؛ اما، وزیرنینگ عکس العملیگه روپه ره بولگن. درانی مسووللردن مذکور قضیه جدی تیکشیریلیشینی سورهگن.
کنر ولایتینینگ نمایندهسی وزیرگه عکسالعمل کورستگندن کیین مجلسدن چیقاریلگن. لیکن، حادثه بارهسیده اونینگ سلام وطندارگه بیلدیریشیچه، بوندن نیچه وقت آلدین قانونی بیر ایش اوچون وزیرنی یانیگه بارگن، اما، جناب درانی اوبیلن یامان معامله قیلیب، ادارهسیدن چیقارگن.
مشوانی، وزیر بیلن هیچ قندهی خصوصی قیین چیلیگی یوق لیگینی ایتیب، بو توغریده مسووللر تیکشیرو اوتکزه آلیشلری ممکن دیگن.
نمایندهلر مجلسینینگ ایچکی اصلیگه کوره، عمومی ییغین ده نمایندهلردن بیرارتهسی کیمسهنی اهانت قیلگن حالده، بوتون مجلس اعضالریدن اوچ حصهسینینگ ایجابی آوازی قراری اساسیده بیر ییلگه قدر ییغینلرده اشتراک قیلیشدن محروم بولهدی.
اخیرده مجلسنینگ اورین باسری ظاهر قدیر کنر ولایتینینگ اوشبو نمایندهسی عکسالعملی بارهسیده شنبه کون بحث ایتیلیشیه قرار قبول قیلگن. افغانستان ملی مجلسی بیرینچی مرته بوندهی واقعگه لرگه گواه بولمهگن.