پارتلشلر کابل نینگ قره‌باغ و مرکزی بغلان نینگ ولسوال‌لیگی‌ده روی بیرگن. حادثه‌ده اون نفر هلاک بولگن. کابل قره‌باغ ولسوال‌لیگی نینگ ولسوالی سمیع‌الله شریفی‌نینگ تیلفون آرقه‌لی سلام‌وطندارگه ایتیشیچه، واقعه یول چیتیگه اورنه تیلگن ماین طفیلی یوز بیرگن.
ایتیلیشیچه، پارتلش محل‌دن پولیس موتری اوته دیگن بیرچاغده یوز بیرگن. جناب شریفی، پارتلش‌ده ایکی تینچ اهالی قوشیمچه تورت پولیس عسکری هلاک بولگن لیگی‌نی تصدیق‌له گن. مرکزی بغلان نینگ ولسوالی گوهرخان بابری نینگ سوزلریگه کوره، مرکزی بغلان نینگ «چهارشنبه تیپه» منطقه سیده روی بیرگن پارتلش‌ده پولیس نینگ تورت عسکری هلاک بولیب، باشقه اوچ پولیس یره‌لنگن.
بابری نینگ سلام‌وطندارگه بیلدیریشیچه، ولسوالیک نینگ انارخیل قیشلاغی تامان حرکت‌ده بولگن پولیس نینگ موتری ساعت اون ایکی‌ده پارتلش‌گه روپه‌ره بولگن.
هنوزگچه هم حادثه‌لر مسوولیتی‌نی هیچ بیر گروه یا شخص اوز ذمه سیگه آلمه گن.
