افغانستانلیک سناتورلر بوگون (یکشنبه) مجلس نینگ ییغینی‌ده شاهین 209- قول اردوده اویوشتیریلگن هجومنی انسانیت‌گه ضد بیر عمل دیگنلر. حادثه نینگ مسوولی جمهور رییس غنی، عبدالله‌عبدالله و امنیتی بلند مرتبه‌لی رسیملر دیگن سناتورلر. جمهور رییس غنی و عبدالله‌نی خاین دیگن سناتورلر بیر کون ملی ماتم اعلان قیلیش هیچ بیر دردنی دوا قیلمه‌یدی دیگنلر.
اوشبو سناتولر موجود قیین چیلیک‌نی برطرف قیلیش اوچون ملی اجماع‌گه احتیاج بارلیگی اوستیده تاکید ایتگنلر.
سنا مجلسی نینگ اعضاسی زلمی زابلی، ملی اردونینگ حربیلری اولدیریلیشی اوچون حکومت رهبرلریدن تشقری نماینده‌لر مجلسی نینگ اعضالری هم مسوول دیدی.
شیرمحمد آخندزاده و صالحه مهرزادلر ایسه حکومت نینگ قیلمیشی‌نی جدی تنقید آستی‌گه آلیب، ملی مدافعه همده ایچکی ایشلر وزیرلری تیز آره ده استعفا بیریشی‌نی سوره‌گنلر.
سنا مجلسی نینگ بیرینچی کاتبی محمد علم ایزیدیار، حکومت‌دن اعدام گه محکوم بولگن دولت قوراللی مخالفلری‌نینگ تورمه‌ده‌گی محبوسلری تیزلیک بیلن دارگه تارتیلیشینی طلب قیلگن.
جمهور رییس غنی و اجراییه ریاستی نینگ باشلیغی سنا مجلسی نینگ اعضالری آرقه‌لی خاین خطاب بولگن لیکلری توغریسیده جمهور رییسلیک سرایی همده سفیدار فکرینی اورگه‌نیش اوچون اولگوردیک؛ لیکن، مسووللر بو توغریده فکر بیلدیریش‌دن باش تارتدی.
