بلخ ولایتی نینگ بلخ تومنیده‌گی محلی منبع‌لردن قطاری سلام‌وطندار گه صحبت بیریب ایتیشیچه، مذکور امنیتی کوچلر طالبان بیلن اوتکزگن آتیشمه و بمب جایلشتیریلگن بیر تانک پارتلشی عاقبتی‌ده هلاک بولگن.
اوشبو منبع‌لرگه کوره، مذکور آتیشمه بوگون (پنج‌شنبه 5- جدی) ایرته‌لب ساعت 2 اطرافیده باشله‌نیب و ساعت 5 گچه دوام تاپگن.
بلخ ولایتیده‌گی امنیتی مسئوللر بو توغریده تفصیلات بیریشدن وازکیچگن.
بیراق ملی مدافعه وزیرلیگی بیر خبرنامه ترقه‌تیب ایتیشیچه، بلخ تومنیده حربی کوچلرنینگ قرارگاهی یقیین‌لیگیده بمب جایلشتیریلگن موتر پارتلشی عاقبتی‌ده، حربی کوچلردن 6 ته‌سی هلاک و باشقه 3 ته‌سی یره‌لنگن. بو خبرنامه اساسیده، اوشبو حادثه بوگون ایرته‌لب ساعت 4:30 ده یوز بیرگن.
شونینگدیک مذکور خبرنامه‌ده، ملی مدافعه وزیرلیگی حادثه قنده‌یلیگی توغریسیده تدقیقات باشلنگنیدن خبر بیرگن.
عین حالده، ایکی کون آلدین بلخ ولایتیده طالبان هجومی باعث حربی کوچلردن 7 ته‌سی هلاک بولیب و شونینگدیک ملی خوفسیزلیک کوچلردن 3 ته‌سی شامل باشقه 6 کیشی تن جراحتی کوتارگن ایدی.
بو هجوم (سه‌شنبه 3- جدی) بلخ ولایتی دولت‌آباد تومنی نینگ «خیلی‌گلی» قیشلاغیده‌گی حربی کوچلر و ملی خوفسیزلیک کوچلری نینگ بیر قوشمه پوسته‌سیده یوزبیرگن ایدی.
شو توغریده:
