بلخ ولایتیده کانکور سیناویده اشتراک قیلیش کارت مراجعتچی‌لری‌نینگ صفیده حددن تشقری گاوجوملیک باعث، بیر قیز هلاک و باشقه 21 قیز یره‌لنگن. اوشبو واقعه مزارشریف شهری‌نینگ غربی‌ده جایلشگن فاطمه بلخی لیسه‌سیده یوز بیرگن و بو واقعه قربانلری‌نینگ برچه‌سی قیزلر دیر.
مزارشریف شهریده ابن‌سینا حوزه‌یی کسلخانه باشلیغی داکتر نورمحمد فیض، یوز بیرگن واقعه‌ده بیر کیشی هلاک و باشقه 21 کیشی یره‌لنگنینی تصدیق‌لیدی. اونینگ ایتیشیچه، «غلام‌علی‌نینگ قیزی زهرانینگ قوتقره آلمه‌دیک.»
نیچه ساعت آلدین بغریده زهرا جان بیرگن قیزنینگ ایتیشیچه، امیدینی قولدن بیرگن و کانکور سیناویده اشتراک قیلمه‌یدی.
اوشبو قیزلردن بیرقطاری، بلخ معارف ریاستی‌ده قانون سیزلیک و واسطه‌بازلیک‌دن شکایت قیلیب ایتیشیچه، زور و واسطه‌سی بولگن کیشی‌لر بونده‌ی وضعیت گه دوچ کیلمه‌گن‌لر.
بلخ پولیس قومندانی محمداکرم سامح، اوشبو واقعه سببی‌نی کوتیلمه‌گن گاوجوملیک دیب ایتیشیچه، بلخ معارف ریاستی کانکور سیناوی بایومتریک فورملرینی نیچه مرکزده ترقه‌تیشی کیره‌ک ایدی.
بو توغریده بلخ معارف ریاستی بیلن بیزلرنینگ تکرار قونغیراقلریمیز حاضرگچه نتیجه بیرمه‌گن.
