بیرینچی مرته بلخ‌ده پاکستان تولیدی محصولاتی راولپندی سوداگرلیک و صنایع اتاقی تامانیدن کورگوزمه گه قویلدی.
مذکور ایکی کونلیک کورگوزمه‌ده 50 دن آشه غرفه قویلگن که بولردن 16 غرفه‌سی افغانستان تولیدی نرسه‌لری اوچون بولگن. مذکور کورگوزمه‌دن هدف، ایکی اولکه سوداگرلری‌نینگ تولیدی نرسه‌لری نمایش‌گه قویله‌دی.
بلخ سوداگرلیک و صنایع باشلیغی آرش یونسی‌نینگ ایتیشیچه، مذکور کورگوزمه‌ده، ساختمانی نرسه‌لر، برق، دارو و آذوق آوقت‌لردن عبارت بولیب ایکی کونگه قدر خلق یوزیگه آچیب قویله‌دی.
جناب یونسی، قوشنی اولکه‌لر اینیقسه پاکستاننی اقتصادی و ایریم سوداگرلیک بولیم‌لرگه مهم بیله‌دی. اونینگ کوپه‌یتریشیچه، بلخ ولایتی سوداگر و صنعت‌چی‌لر اوچون یخشی اورین بولگن‌لیگی دلیل قوشنی اولکه‌لر هم مذکور ولایت‌ده کوپلب سرمایه یاقیزیش علایقینی کورستگن.
بلخ سوداگرلیک و صنایع اتاقلر باشلیغی‌نینگ کوپه‌یتیریشیچه، مذکور اتاقلر مسؤول‌لری تشقی سرمایه یاتقیزوچی‌لرنی بلخ ولایتی‌ده‌گی کان و زیربنایی بولیمی اوچون کوپلب ترغیب قیلیش‌گه تلاش قیله‌دیلر.
راولپندی اتاقلری‌نینگ مذکور کورگوزمه یولگه قویگن مسؤولی خورشید برلاس، بلخ‌ده اوتکزیله‌دیگن کورگوزمه، پاکستان‌لیک سرمایه یاتقیزوچی‌لرنینگ افغانستان شمالیده بیرینچی ایشلری دیدی.
برلاس‌گه کوره، بیر اولکه‌نینگ سرمایه یاتقیزیشی اوچون همه نرسه‌دن آلدین برق و امنیت دیر که افغانستان شمال ولایت‌لری بو جهت‌دن سرمایه‌دارلر اوچون مصؤن محل بیلینگن. اونینگ ایتیشیچه، پاکستان سوداگرلری افغانستان‌ده سرمایه یاتقیزیش اوچون قیزیقه‌دیلر.
افغانستان سوداگرلری‌نینگ بلخ‌ده مذکور بیرگه‌لیک کورگوزمه‌نی یولگه قوییش بیرچاغ‌ده ایتیشلریچه، باشقه قوشنی اولکه‌لر هم افغانستان اینیقسه بلخ‌ده شونقه کورگوزمه‌لرنی اوتکزیش‌لرینی یاقتیره‌دیلر.
اوتگن هفته پاکستان سوداگرلیک و صنایع وزیری‌نینگ سفری بیلن بیرگه، کابلده پاکستان کیفیت‌لی تولیداتلری کورگوزمه گه قویلدی. مذکور کورگوزمه، راولپندی سوداگرلیک و صنایع اتاقی تامانیدن، افغانستان سوداگرلیک و صنایع اتاقی‌نینگ حمایتی بیلن پاک- افغانستان بیرگه‌لیک کورگوزمه‌سی عنوانی‌گه کابلده یولگه قویلدی.
