د بغلان په بنو ولسوالي کې محلي مسوولان په دې ولسوالي کې د دوو کورنیو ترمنځ د شخړې له کبله د ۶ کسانو د وژل کېدو خبر ورکوي.
د بنو ولسوال منصور عزیزي سلاموطندار ته ویلي چې یاده پېښه نن سهار د دې ولسوالي په خوشدره سیمه کې د اختر له لمانځه وروسته شوې ده.
عزیزي وايي، پېښه د شخصي دښمني له کبله شوې چې پر مهال یې د دواړو کورنیو ۶ کسان وژل شوي دي.
د نوموړي په وینا، پولیس د پېښې ځای ته رسېدلي او په دواړو کورونو کې نشهيي توکي پیدا او نیولي دي.
ولسوالي وايي، د پېښې عاملان له سیمې تښتېدلي دي.
