د بغلان د برکې ولسوالي ښاروال حاجي ګلاغا وايي چې د امنیتي ځواکونو او طالبانو په جګړې کې ۲۰ دوکانونه په بشپړ ډول سوځېدلي دي.
د نوموړي په وینا، له تېرو دوو ورځو راهیسې د دې ولسوالي په مرکز کې د امنیتي ځواکونو او طالبانو ترمنځ جګړه ده چې خلکو ته یې زیانونه اړولي دي.
په همدې حال کې ځايي سرچینو چې نه یې غوښتل نوم یې یاد شي، سلاموطندار ته وویل، د برکې ولسوالي یوازې مقام او امنیې قومنداني د دولت په لاس کې ده او اوسمهال د امنیتي ځواکونو او طالبانو ترمنځ ولسوالي ته نږدې جګړه روانه ده.
