بغلان مدنی فعاللریدن بیرقطاری خبری بیر ییغین اوتکزیب ایتیشیچه، بیر هفته‌دن بویان مذکور ولایت نینگ کوپینچه قسمت‌لریده طالبان گروهی نینگ هجوملری شدتلنگن و اوروش جریانی پلخمری شهری نینگ دروازه‌لری یقینی گه ییتیشگن.
اولرگه کوره، بغلان یشاوچیلری بو وضعیت دوامیدن سیقیلگن و محلی مسؤوللر خوفسیزلیک‌نی تأمین‌لش گه قادر ایمس دیر.
بغلان مدنی فعاللری نینگ کوپه‌یتیریشیچه، مذکور ولایت نینگ خوفسیزلیک وضعیتی یامان بولگنده هم، محلی مسؤوللر مرکزگه بغلان خوفسیزلیگی تأمین‌لنگنیدن گزارش بیره‌دی.
بیراق، بغلان پولیس قومندانی نیازمحمد نیازمندنینگ سلام‌وطندارگه ایتیشیچه، بو ولایت جدی بیر امنیتی قیین‌چیلیک‌که دوچ کیلمه‌گن.
اونگه کوره، اولر نیچه مرته مرکزی حکومت دن یاردم سوره‌گن، بیراق حاضرگچه بو خصوصده هیچ بیر ایش قیلینمه‌گن.
باشقه تاماندن، هرات ولایتیده ایشانچ‌لی امنیتی بیر منبع نینگ سلام‌وطندارگه ایتیشیچه، پشتون‌زرغون، کرخ و غوریان تومنلریده امنیتی کوچلرنینگ پوسته‌لری اوستیگه طالبان گروهی تامانیدن اویوشتیریلگن هجوم نتیجه‌سیده امنیتی کوچلردن 25 ته‌سی هلاک و باشقه 20 ته‌سی یره‌لنگن.
غوریان ولسوالی فرهاد خادمی نینگ سلام‌وطندارگه ایتیشیچه، اوتگن کیچه طالبان گروهی هرات-خواف تیمیر یولینی قورووچی کوچلرنینگ پوسته‌لری اوستیگه هجوم قیلگن و بو هجوم نتیجه‌سیده امنیتی کوچلردن 6 ته‌سی هلاک و باشقه 6 ته‌سی درک‌سیز یوقالگن.
هرات ولایت کینگشی باشلیغی کامران علیزایی نینگ ایتیشیچه، طالبان گروهی نینگ هجوملری تشکیلات، حربی جهاز کم‌لیگی و امنیتی کوچلرنینگ آره‌سیده‌گی اویغونسیزلیک باعث، کوپه‌یگن.
هرات حاکمی سوزلاوچیسی جیلانی فرهاد، مذکور ولایت نینگ ایریم قسمت‌لریده طالبان گروهی نینگ هجوملری کوپه‌یگنینی تصدیقلیدی، بیراق ایتیشیچه، مذکور ولایت حربی کینگشی نینگ قراری اساسیده، تیزلیک‌که حربی عملیات یولگه قوییله‌دی.
آمریکا و طالبان گروهی نینگ نماینده‌لری آره‌سیده 7- دور تینچلیک سوزلشوولری باشله‌نیشی بیلن مملکت نینگ ایریم قسمت‌لریده طالبان گروهی نینگ هجوملری شدتلندی.
حربی ایش بیلرمانلرگه کوره، تینچلیک سوزلشوولری جریانیده مملکت نینگ ایریم قسمت‌لریده طالبان گروهی هجوملرینی شدتلنتیرگنیدن مقصد، سیاسی قدرت گه کوپراق قول تاپیش دیر.
