.jpg)
بغلان والیسی‌نینگ سوزلاوچیسی محمود حقمل، سلام‌وطندار بیلن صحبت اوتکزیب ایتیشیچه، اوتگن (یکشنبه کیچه) کرکر تاش کومیر کانی ریاستی‌نینگ 6 ایشچیسی قورال‌لی کیشی‌لر تامانیدن اوغیرلنگن.
بیراق، بغلان ولایتی کانلر باشلیغی و شونینگ‌دیک غوری سمنت شرکتی باشلیغی محمد معروف سروری‌نینگ سلام‌و طندارگه ایتیشیچه، اوغیرلنگن ایشچی‌لرنینگ سانی 15 کیشی بولگن.
ایتیلیشیچه، بغلان تاش کومیر کانی ریاستی‌نینگ اورین باسری نورالدین ضیایی، اوغیرلنگن کیشی‌لرگه شامل بولگن؛ بیراق محلی رسمی‌لر بو توغریده هیچ نرسه دیمه‌یدی.
جناب حقمل‌گه کوره، مذکور ایشچی‌لرنی قورال‌لی کیشی‌لر اوزلری بیلن آلیب کیتگن، دیمک اوغیرلاوچی‌لر اسلامی حزب‌گه باغلیق دییله‌دی.
بغلان‌ده اسلامی حزب ترماغی حاضرگه‌قدر بو واقعه توغری‌سیده میدیاگه هیچ نرسه دیمه‌گن.
بغلان والیسی سوزلاوچیسی‌نینگ ایتیشیچه، مذکور ایشچی‌لر قوییب یوباریلیشی خصوصیده، سعی و حرکت‌لر باشلنگن.
