فیروز نیچه ییل مهاجرلیکدن سونگ، افغانستانگه کیلگن. ایشسیزلیک، ناتینچلیک و کم بغللیک باعث، فیروز 3 ییلنی ایرانده اوتکزگن، بیراق نهایت مملکتگه قیتیب کیلیشی خصوصیده قرار قیلگن.
فیروز حاضرده بغلان ولایتینینگ مهاجرلر شهرچهسیده شغللنهدی. اونینگ سلاموطندارگه ایتیشیچه، حاضرده اقتصادی نقطهنظردن یخشی دیر. او حکومتدن چیتایللیک مملکتلردن قیتیب کیلگن مهاجرلرگه ایش زمینهسینی یرهتیشینی طلب قیلهدی.
مریم نیچه ییل پاکستانده مهاجر بولگن و حاضرده افغانستانگه قیتیب کیلگن. اونینگ ایتیشیچه، بوتون بارلیکلرینی یخشی حیات کیچیریش مقصد ده قولدن بیریب عایلهسی بیلن بیرلیککه ایران بارگن، بیراق اوشبو مملکت هیچبیر زمان اولرگه افغانستان کبی بولمهگن و نهایتده قیتیب کیلگنلر.
حاضرده مریم عایلهسی بیلن پلخمریده حیات کیچیرهدی. او حکومتدن مملکتگه قیتیب کیلگن مهاجرلرگه یاردم بیریشینی سورهیدی.
بغلان ولایتی بوییچه مهاجرلر ریاستی باشلیغی شریفالله شفق نینگ ایتیشیچه، چیتایللیک مملکتلردن قیتیب کیلگنلرگه شغل ایجاد قیلیش اوچون بیرقطار پروژهلرنی قولگه آلگنلر.
اونینگ کوپهیتیریشیچه، مهاجرلر شهرچهسی اطرافیده استنادی دیوار قوریش، 5 چقور قودوق قازیش، بغلان مرکزی تومنیده بیر سوو کانالی قوریلیشی، 70 اوی نینگ قوریشی و پلخمری شهریده ایکی پایه سوو ذخیرهسی نینگ قیستیریلیشی اوشبو پروژهلر جملهسیدن دیر.
جناب شفقگه کوره، حاضرگهقدر اوشبو یاردملردن 1000 دن آرتیق عایله فایدهلنگنلر و باشقه 1000 کیشیگه شغل ایجاد ایتیلگن.
بغلان ولایتی بوییچه مهاجرلر ریاستی مسووللری تامانیدن بیریلگن رقملرگه کوره، 2016- ییلدن باشلب 2019- ییلگهقدر 11 مینگ عایله ایران و پاکستان دن اوشبو ولایتگه قیتیب کیلگنلر.