جاری ییل بغلان‌ده میوه محصولاتی اوتکن ییل‌گه قره‌گنده کوپیگن، بیراق اوشبو محصولات اوچون موزخانه و ساتیلیشی‌گه بازار یوقلیگی باعث، باغدالر یوره‌گی ساووگن. باغدالردن بیرقطاری‌نینگ ایتیشیچه، حکومت تامانیدن مذکور ولایت میوه محصولاتی سقلنیشی اوچون، موزخانه و اوشبو محصولات صادر ایتیلیشی‌گه زمینه یره‌تیلمه‌گن صورتده، قیته‌دن کوکنار ایکینی‌گه قول اوره‌دی.
باغدارلرنینگ ایتیشیچه، میوه نرخی محصولات ییغیش چاغیده صادرات بولمه‌گنی باعث، قویی کیله‌دی و اولر موزخانه یوقلیگی سبب، محصولات‌لرینی ارزان ساتیش‌گه مجبور بوله‌دی.
بغلان باغدارلری‌نینگ، قیته‌دن کوکنار ایکینی‌گه قول اوروشی خصوصیده آگاه‌لنتیریشی، ایکینچیلیک ایشلری بوییچه قطار ایش بیلرمانلرنینگ خواطری‌گه سبب بولگن.
اوشبو ولایت بیلیم یورتی استادی عبدالسمیع وفانینگ ایتیشیچه، موزخانه ایجاد ایتیلگن صورتده، یشاوچیلر تورت موسوم میوه‌سیگه قول تاپه‌دی و بو طریق‌دن اولرهم کوپراق منفعت قولگه کیریته‌دی.
جناب وفانینگ ایتیشیچه، پاکستان کم بها بیلن اوشبو ولایت باغدالری‌نینگ میوه‌لرینی آلیب، مذکور مملکت‌گه انتقال بیریب، صندوقی‌نی اوزگرتیریب و قیته‌دن نیچه برابر نرخ بیلن افغانستان‌گه صادر قیله‌دی.
شونینگ‌دیک بغلان ولایتی ایکینچیلیک ریاستی رسمی‌لری، باغدارلر و ایکینچیلر قیین‌چیلرینی تأیید قیلیب ایتیشیچه، موزخانه ایجاد ایتیش خصوصیده، سعی و حرکت قیلماقده، بیراق ایریم دلیل‌لر باعث، فعالیت‌لری توخته‌تیلگن.
بغلان ایکینچیلیک ریاستی سرپرستی محمدسالم صافی، دولت رسمی‌لریدن بو موضوع توغری‌سیده دقت قیلیش‌لرینی سوره‌ب اورغولشیچه، ایکینچیلر قیین‌چیلیگی‌نی موزخانه‌لر آرقه‌لی حل ایتیش لازم.
اقتصادی ایش بیلرمانلرنینگ ایتیشیچه، موزخانه‌لر ایجاد ایتیلیب و ترانزیتی و تخنیکی انشاعات‌لرگه دقت قیلینگن صورتده، مملکت محصولاتی و صادراتی کوپه‌ییشی ممکن. اولر حکومت‌دن ایکینچیلیک ایشلری‌نی بیرینچی لایحه‌لریگه قرار بیریشینی سوره‌دی. ایش بیلرمانلرنینگ ایشانچی‌گه کوره، بونقه وضعیت‌نی باشقریش اوچون، شو پیله‌دن موزخانه‌لر ایشی باشله‌نیشی و اونی یانیده برچه دولتی و غیر دولتی اداره‌لر مملکت محصولاتی‌دن ایش آلیشی کیره‌ک.
