اسمی سیر سقلنیشی شرط قویلگن بغلان امنیتی منبع‌لریدن بیری‌نینگ سلام‌وطندارگه ایتیشیچه، جمعه کونی کیچ قورونده ولایت برکه تومنی‌نینگ طالبلر تصرفیده بولگن منگو خیل منطقه‌سیده ناتانیش بیرتیک اوچر 20 دقیقه‌لیک قونگن.
ولایتی کینگش اعضاسی محمدظریف ظریف هم بوخبرنی تأیید قیلیب ایتشیچه، اوشبو تیک اوچر طالبلرگه قورال اسلحه ایلتیب بیرگن.
بغلان پولیس قومندانی اکرام‌الدین سریع اوشبو تیک اوچر قونگن‌لیگی باره‌سیده بیرنرسه دیمه‌گن، بیراق ولایت والیسی عبدالحی نعمتی بو مطلبنی رد قیله‌دی. نعمتی بو مطلبنی طالبلر نفع‌گه تبلیغ دیب بیله‌دی و ایتشیچه، بوتوغریده هیچ قنده‌ی بیر حجتلری یوق.
سونگی بیر هفته‌ده طالبلر برکه تومنی‌نی تصرف قیلیش اوچون گروهی هجوملرینی شدت بیرگن، اما هجوملری امنیتی کوچلر جدی قرشیلیگی بیلن روپه‌ره بولگن.
بو بیرینچی مرته ایمس طالبلرتصرفیده بولگن ناتانیش تیک اوچرلر قونگن بولسه. بوندن آلدین هم طالبلر منطقه‌سیده اوچاقلر باریب کیلگن و سونگی مرته جوزجان، فاریاب و سرپل ولایتلریده داعش جنگریلری منطقه‌سیده بیر تورت ماشینه‌لی تیک اوچر اوستی یاپیق صندولرنی تشله‌گنلیگی ایتیلدی.
سابق گزارشنی کوریش اوچون بوییرده قول قویینگ.
