بغلان خاتین قیزلر باشقرمه‌سی نینگ مسوول‌لری، اوتگن بیر ییل جریانی‌ده 800 عیال‌گه ایش زمینه‌سی یره‌تیب بیرگن‌لیک‌لرینی ایتگن‌لر
بغلان ولایتی خاتین قیزلر اداره‌سی نینگ باشلیغی خانم خدیجه‌یقین‌نینگ سلام وطندارگه ایتیشیچه، حاضرگی وقت‌ده مذکور خاتین‌لردن 500ته‌سی حرفه‌یی و 300 ته‌سی ایسه نا رسمی شکل‌ده بو ولایت‌ده ایریم بولیم‌لرده ایش قیله‌دی‌لر.
خانم یقین، بو اداره پالیسی ایشلب چیقیش ریاست بولیشی‌گه قره‌می، اما ایریم حکومت اداره‌لری و نا دولت تشکیلا‌ت‌لر یاردمی بیلن قشاق عیال‌لرگه ایش زمینه‌سی یره‌تیب بیریلیشی اوچون اساسی ایش‌لرنی قیلگن دیگن.
خانم یقین‌گه کوره، عیاللر اوچون حرفه‌یی و اورگه‌نیش کارگاه‌لرنی یول‌گه تشلش و بولر اوچون باغ‌لرنی تاسیس قیلش عمل‌گه آشیریلگن ایش‌لر جمله‌سیدن. انه شو یول بیلن خاتین‌لرنینگ قیله‌جک ایش‌لری یخشی رونق تاپگنی ایتیله‌دی.
بغلان ولایتی عیاللر اداره‌سی رییسی، حاضرگی کونده هم بو ولایت‌نینگ اونلب خاتین‌لری ایریم ایش‌لر جمله‌دن تیکوچی‌لیک، قول صنعتی، ُمره دوزلیک، اری‌چی‌لیک، تاووغ‌چیلیک و دکاندارلیک ایش‌لری بیلن شلغنه‌دیلر.
بغلان ولایتی مرکزی پلخمری شهریده جایلشگن تنیلگن باغلردن «باغ بی‌بی صبری» ولایت‌ده خاتین قیزلر ایش قیلیش اوچون بیرینچی مکان سنه‌له‌دی.
ایتیلیشیچه، مذکور باغده ایش بیلن شغللنه دیگن عیال‌لرنینگ اقتصادی وضیعتی قانیقرلی دیر.
حاضرگی وقت‌ده بو خاتین‌لر اوز قول صنعت‌لرینی ملی و خلق ارا کورگزمه لرگه قویه آلیش‌لری ممکن‌لیگی ایتیله‌دی.
بو باغده تیکووچی‌لیک ایشی بیلن شغللنه‌دیگن نجلا، بو باغ تاسیس ایتیلگن‌دن بیری ایشی یخشی‌لنگنی‌نی ایته‌دی. او، انه شو یول بیلن عیاله‌سی نینگ خرجتی‌نی تاپیش‌گه موفق دیر.
اوشبو باغده ایش قیله‌دیگن‌لردن باشقه بیر سهیلا صدیقی، قول صنعت‌لر مذکور باغده ساته‌دی. صدیقی، عیاللر اقتصادی یخشی له‌نیشی اوچون بو باغ‌نی تاسیس ایتیلیشی ایجابی اوزگریش‌لرگه باعث بولگن.
افغانستان‌ده قوراللی طالب‌لر توزیمی قوله‌تیلیب، انتقالی حکومت وجودگه کیلگن‌دن بیری خاتین‌لر اوچون یخشی ایش زمینه‌لری یره‌تیلدی.
بغلان خاتین قیزلر اداره‌سی باشلیغی، حکومت اداره‌لری نینگ 30% ملازملرینی خاتین قیزلر تشکیل ایته‌دی دیگن. شونینگ‌دیک او بو ولایت‌ده 110 مینگ خاتین تعلیم و تحصیل بیلن شغللنیش‌لرینی تیل‌گه آلگن.
