بغلان ولایتیده محلی پولیس بلند مرتبه‌لی رسمیلری، دین عالملری طالبلر بیلن اوروش‌ده هلاک بولگن ملی کوچلرنینگ جنازه‌سی اوقیلیشی اوچون رخصت بیرمیدی دیگنلر. اولرنینگ ایتیشیچه، قوراللی طالبلر کنترولیده‌گی منطقه‌لرده ملی کوچلرنینگ جنازه‌سی حرام اعلان قیلنگن. شونینگدیک جنگریلر دین عالملرینی ملی کوچلر جنازه مراسیمینی اوتکزمسلیک اوچون آگاهلنتیرگن.
بغلان ولایتیده‌گی محلی پولیس نینگ قوماندانلریدن بیری سیدکمال وردک نینگ سوزلریگه قره‌گنده، بیر قنچه دین عالملری قوراللی طالبلر تهدیدیدن قوریب ملی کوچلر جنازه‌سینی اوتکزیشدن واز کیچه‌دی. اما، قوراللی طالبلرگه قره‌شلی جنازه‌لر ایریم حاللرده شهر ایچیده مخصوص دستور آرقه‌لی اوتکزیلیشی ایتیله‌دی.
بغلا ولایتیده اسلامی برادرلیک دین عالملر کینگشی نینگ اورین باسری محمد‌حسن حسینی، افغانستان‌ده دین و جهاد نامی آسیتده فعالیت قیله دیگن گروه‌لر گناه‌سیز کیشیلرنی اولدیره‌دی دیگن. بو گروه‌لر قطار دولتلر تامانیدن حمایت بولیب، نیتلری ایسه اسلام دینی بدنام ایتیش دیر.
بوندن آلدین هم قوراللی طالبلر دن‌شهاب‌الدین، حسین‌خیل، زمانخیل و دندغوری منطقه‌لری‌نینگ اهالیسی‌گه ملی کوچلر جنازه مراسمی‌ده اشتراک قیلگن حالده، جدی جزاله‌نیشلری توغریسیده آگاهلنتیرگن ایدی.
