بغلان قاچقینلر باشقرمهسینینگ مسووللری، اخیرگی کونلرده دهنه غوری و دندغوری تومنینینگ منطقهلریدهگی آغیر اوروشلری نتیجهسیده 1500 عایله اوز یشش اویلریدن آواره بولگنلر دیگنلر.
بو ادارهنینگ مسووللریدن نجیبالله یوقاریده ایسلهتیلگن منطقهلردن آواره بولگن خانهدانلر پلخمری شهری مرکزیده جایلیشگن فرحت تیپهلیک منطقهسیده جایلشتیریلگن دیگن.
اونینگ سوزلریگه کوره، آواره بولگنلرنینگ رویخطی انسان پرورلیک یاردم کورستوچی تشکیلاتلرگه بیریلگن؛ لیکن، هنوزگه کومک بولمهگن.
یشش اویلریدن آواره بولگن خانهدانلر سلاموطندار بیلن قیلگن صحبتده، آواره بولگنلرنینگ کته قسمی ایکین ییرلری جدی زیان کورگنلیگینی بیلدیرگنلر. یشش اویلرنی ترک قیلیب چیققنلر حکومتدن منقطهلریده امنیت تامین ایتیلیشینی سورهگنلر.
دهنه غوری و دند غوری منطقهسیده اون کوندن بیری افغان ملی کوچلری بیلن جنگری طالبلر اورتهسیده دوام ایتهدیگن اوروش شدتلشگنی ایتیلهدی.
بغلان ولایتی کینگش بیر قطار اعضالری، مذکور تومننینگ کوپینچه منطقهسی جنگری طالبلر اشغالیگه اوتگن دیگنلر.
اما، ولایت امنیتی مسووللری، اوشبو قیشلاقلر قیتهدن جنگریلر قولیدن آزاد ایتیلیشی اوچون عملیات دوامی بار دیگنلر.