سلام‌وطندارگه صحبت بیرگن محلی بیر منبع نینگ ایتیشیچه، بغلان ولایتی نینگ نهرین تومنیده مردمی کوچلرنینگ پوسته‌لری اوستیگه طالبان تامانیدن اویوشتیریلگن هجوم نتیجه‌سیده مذکور کوچلردن 24 ته‌سی هلاک و باشقه 10 ته‌سی یره‌لنگن.
اوشبو منبع نینگ ایتیشیچه، بو واقعه جمعه دن شنبه گه اوتر کیچه یریمی‌ده نهرین تومنی نینگ گهگدای منطقه‌سیده یوز بیرگن.
منبع گه کوره، هلاک ایتیلگن‌لرنینگ آره‌سیده مردمی کوچلرنینگ تانیقلی قومندانلریدن صلاح‌الدین و عبدالله هم کورینگن.
طالبان هجومی‌نی تصدیقلگن بغلان پولیس قومندانی نیازمحمد نیازمندنینگ ایتیشیچه، اوشبو هجوم تیکشیریلیشی اوچون امنیتی کوچلر منطقه گه یوباریلگن؛ جناب نیازمند، یوز بیرگن هجوم قربانلیگی توغریسیده هیچ نرسه دیمه‌یدی.
منبع گه گوره، گهگدای منطقه‌سی نینگ برچه یشاوچیلری قورال آلیب و اوز خوفسیزلیک‌لرینی تأمین‌لش گه قرار قیلگن‌لر.
