.jpg)
مدنی جماعهچیلیک فعاللری همده مملکت یشاووچیلری نابرقرارلیک، ایشسیزلیک آشگنی و جوابگر حکومت بولمهگن لیگیدن نالیگنلر. اولر، ملی بیرلیک حکومتینینگ رهبرلری یخشی حکومتچیلیکنی وجودگه کیلتیریش اوچون بیرگن وعدهلریگه عمل قیله آلمهدی دیدیلر. ملی بیرلیک حکومت رهبرلرینینگ شعاری فقط تیلده بولگن لیگی اوستیده تاکید ایتگن اهالی.
مدنی فعاللردن بیری احمدعمر پروانی، ایکّی ییل عمریدن اوتگن حکومت یخشی حکومتچیلیک اوچون بیرار- بیر ایشنی بجریشده موفق بولمهگن دیدی. او، حکومتنینگ رهبرلری هیچ قندهی یوتوقسیز بروکسل خلق ارا کنفرانسیده اشتراک قیلهدی دیگن.
باشقه مدنی فعال عبدالودود پدرام، ملی بیرلیک حکومتی یخشی حکومتچیلیک بولیمیده دییرلی موفق بولمهگن لیگنی اظهار قیلگن. جناب پدرام، دنیا دولتلری افغانستان حکومتی قیلمیشینی انابتگه آلگن حالده، افغانستان حکومتیگه یاردم کورسهتیشده اونچهلیک قیزیقمیدی دیگن.
.jpg)
اما، مملکت مالیه/سالیق وزیرلیگی سوزلاوچیسی اجملحمید عبدالرحیمزی، اداری فسادگه قرشی کورهش اوچون عدلی و قضایی مرکز آچیلیشی، باشقَرهلاوچی تعین ایتیلیشی و مملکت نینگ 34 ولایتیده عیاللرگه قرشی زورانلیکنی توسیش بولیملری آچیلگنی حکومتنینگ ییریک یوتوقلریدن بولگن لیگینی تیلگه آلگن.
مالیه وزیرلیگی سوزلاوچیسی، دنیا جماعهچلیگی افغانستاننینگ 26 ولایتیده عیاللرگه قرشی زورانلیکنی توسیش اوچون 26 بولیم آچیلیشینی ایستهگن، اما، ملی بیرلیک حکومتی 34 ولایتده 34 بولیمنی آچیشگه موفق بولگن دیدی.
جاری ییل اکتوبر آیینینگ بیشینچیسیده بروکسلده خلق ارا ییغین اوتکزیلهدی. افغانستان حکومتی هم ییغین قتنشوچیلری همکارلیگینی جلب قیلیش نیتده اشتراک قیلهدی.