افغانستان برشنا شرکتینینگ مسؤوللرینینگ ایتیشیچه، دولتی ادارهلر و زوراون شخصلر کمیده 800 میلیون افغانی بو شرکتدن قرضدار بولگنلر.
برشنا شرکتی سوداگرلیک بولیمینینگ باشلیغی میرویس عالمی، 22 – ثور بیر خبری ییغینده چیقیش قیلیب ایتیشیچه، بیرقطار دولتی ادارهلر و زوروان شخصلر 783.1 میلیون افغانی برق پولیدن تولهمهگنلر.
برشنا شرکتی قرضدار ادارهلر توغریسیده فهرست ترقهتیب، اولر تمانیدن تولهنمهگن پول قنچهلیگی انیق بولهدی.
مذکور فهرستگه کوره، قماق خانهلر ریاستی 147.9 میلیون، عالی اوقوو وزیرلیگی 134.6 میلیون، مایع گاز و نفتی مواد ریاستی کمیده 4 میلیون، ایچکی ایشلر وزیرلیگی 128.9 میلیون، ساغلیقنی سقلش وزیرلیگی 95.3 میلیون، رستورانتلر ریاستی 20.3 میلیون، مخابرات وزیرلیگی 66.1 میلیون، تصدی ملی بس 13.6 میلیون، مدنیت و معلومات وزیرلیگی 12.9 میلیون، کانلر وزیرلیگی 2.3 میلیون، اجتماعی ایشلر وزیرلیگی 24.8 میلیون، مهاجرلر وزیرلیگی 10.8 میلیون، بالهلر تربیهلش مؤسسهسی 18.8 میلیون و چیگره قوملر وزیرلیگی 2.8 میلیون افغانی مذکور شرکتدن قرضدار بولگن.
بو فهرستگه کوره، قرضلردن کوپیسی قماق خانهلر ریاستی، عالی اوقوو وزیرلیگی و اوچینچی درجهده ایچکی ایشلر وزیرلیگیگه تیگیشلی بولهدی.
برشنان شرکتینینگ مسؤوللرینینگ ایتیشیچه، مذکور ادارهلر قرضی 1390 – ییلدن بویان تولهنمهگن.
ستره محکمه سوزلاوچیسی بصیر عزیزینینگ بو توغریده سوزگه چیقیش قیلیب ایتیشیچه، برق پولی اوچ مرحلهگه آلینهدی؛ «بیرینچی مرحلهگه برقلری اوزیلهدی، ایکینچی مرحله امنیتی قوریلمهلر همکارلیگیده و اگر بو ایکی مرحلهگه قرضلرینی تولهمسهلر، قانونگه تاپشیریلیشلری ممکن».
شونینگدیک ایچکی ایشلر وزیرلیگی مذکور شرکت اصلی قرضدارلریدن بیری بولگن.
اما برشنا شرکتی سوداگرلیک بولیمی باشلیغینینگ ایتیشیچه، 10 کون گه قدر قرضلر تولنمهگن حالده، میدیالر بیلن بیرگه قرضدارلر ایشیگیگه بارهدیلر.