بدخشان ولایتی نینگ کران و منجان تومن یشاوچیلریدن بیرقطاری، ناتینچلیک‌لر باعث، پنجشیر ولایتی نینگ پریان تومنی گه آواره بولیب کیلگن و اولر طالبان گروهی نینگ قیلگن ایشلریدن اچیق حکایه قیله‌دیلر.
کران و منجان تومنی اُشتی قیشلاغی یشاوچیسی سیداعظم نینگ ایتیشیچه، نیچه مدت طالبان گروهی نینگ قماقخانه‌سیده ایکن و اوتگن کون اوز قیشلاغیدن بولگن 4 عیال بیلن پریان تومنی گه قاچگن.
سیداعظم گه کوره، تاجیکستانلیک‌لر، چیچنی‌لر، اوزبیک‌لر و بدخشانلیک‌لردن تشکیل ایتیلگن طالبان گروهی اهالی گه قرشی هیچ‌قنده‌ی ظلم دن چیکینمه‌یدیلر.
اونینگ کوپه‌یتیریشیچه، طالبان نینگ قولیده اسیر بولگن زمانیده نیچه مرته آغیر شکلده کلتک‌لنگن و طالبان گروهی نینگ اعضالری قورال تاپیب بیریشی اوچون بوینیگه پیچاق قویگن.
بدخشانلیک آواره‌لرنینگ ادعا قیلیشیچه، طالبان گروهی انجمن کوتلی اطرافیدن اهالینی چیقاریب پنجشیر ولایتی گه یول تاپگنیدن سونگ، اوشبو ولایت و باشقه چیگره‌داش ولایت‌لرنی کران و منجان بیلن ناتینچ قیلیش اوچون سعی و حرکت قیله‌دی.
کران و منجان تومنی انجمن قیشلاغی یشاوچیلریدن بیرقطاری نینگ ایتیشیچه، 4 آی طالبان گروهی نینگ قمراویده بولیب و اولرنینگ برابریده مقاومت قیلگن‌لر، بیراق طالبان گروهی قومندان ملک و امام آتلی ایکی محلی قومندان همکارلیگی بیلن اولرنینگ مقاومتی نی سیندیرگن و انجمن و اُشتی قیشلاقلری یاشلریدن 11 ته‌سینی اولدیریب و باشقه 16 ته‌سینی یره‌لنتیرگن.
اوشبو آواره‌لردن ایکی کیشی عبدالملک و محمدموسی نینگ ایتیشیچه، طالبان گروهی نینگ جنگریلری اولرنینگ بار و یوقلری، چاروالری و اویلریده بولگن نرسه‌لرینی تالان قیلگن.
اولرگه کوره، طالبان جنگریلری ایسته‌گن پیت اهالی اویلری گه کیریب و هیچ بیر ظلم دن چیکینمه‌یدی.
اولرنینگ ادعا قیلیشیچه، تورت آی طالبان گروهی نینگ قمراویده بولگن چاغده، بدخشان محلی حکومتی اولرگه یاردم بیریش اوچون هیچ بیر ایش قیلمه‌گن و محلی منبع‌لردن قولگه کیریتگن معلومات اساسیده، مذکور تومن اوروشی نی قومی اوروش دیگن‌لر.
عین حالده، بدخشان حاکمی سوزلاوچیسی نیک‌محمد نظری، بو ادعالرنی رد قیلیب ایتیشیچه، مذکور ولایت نینگ یمگان تومنیده طالبان حضوری و قلین قار نتیجه‌سیده یول توسیلگنی باعث، اولر کران و منجان امنیتی قیین‌چیلیک‌لری گه ییتیشه آلمه‌گن.
پنجشیر ولایتی نینگ پریان تومنیده جایلشگن بدخشانلیک آواره‌لرنینگ ایتیشیچه، یمان شرایط‌ده حیات کیچیرماقده‌لر و آچیلیک و سووسیزلیک یانیده، زهرلی حشره‌لر موجودلیگی اولرنینگ جانینی تهدید قیله‌دی.
شو توغریده…
پنجشیر ولایتیده بدخشانلیک آواره‌لر: یاردم‌لر ییترلی ایمس
