بدخشان محلی مسئولری پسته محصولاتی نی 60 فایز قویی کیلگنیدن خبر بیره‌دی.
اولرگه کوره، پسته درخت‌لری نی کیسیلیشی، اقلیم اوزگریشی و محلی تارتیشولر پسته محصولاتی‌نینگ قویی کیلیشی گه سبب بولگن.
سلام‌وطندارگه صحبت بیرگن بدخشان‌ده ایکینچیلیک ریاستی‌نینگ ایکینچیلیک ایش‌لر بوییچه آمری نصیراحمدی‌نینگ ایتیشیچه، 1395- ییل‌ده پسته محصولاتی مینگ‌لرچه تُن گه ییتیشیدی، بو رقم 1396- ییل‌ده 300 تُن گه قویی کیلدی و حاضر 100 تُن فرق بیلن 400 تُن گه ییتیشگن.
بدخشان‌نینگ ایکینچیلیک ایش بیلرمان‌لریدن محمد عالم‌نینگ ایتیشیچه، ناتینچیلیک، محلی تارتیشولر و اقلیم اوزگریشی، اهالی‌نینگ پسته‌لر پیشمسی‌دن آلدین توپله‌نیشی گه اقدام قیلیش‌لری گه سبب بولگن.
پسته محصولاتی آرقلی حیات احتیاجاتی نی رفع قیله‌دیگن محل یشاوچی‌لری‌نینگ ایتیشیچه، پسته محصولاتی قویی کیلگنی اولرنی قیینچیلیک‌لرگه روپه‌رو قیلگن. اولرگه کوره، قورغاوچیلیک بیر تاماندن و پسته محصولاتی باشقه بیر تاماندن اولرنینگ احتیاجاتی نی رفع قیلیشی توغریسیده خواطرگه سالگن.
پسته اورمان‌لری‌نینگ کمربندی بدخشان‌دن باشله‌نیب و بادغیس ولایتی‌ده یکونلنه‌دی، بیراق بو کمربند اورمان‌لرنینگ کیسیلیشی باعث، نابود بولیش خطری گه روپه‌رو بولگن.
بدخشان ایکینچیلیک اداره مسئولری‌نینگ ایتیشیچه، اوشبو اداره ینگی‌لیکده پسته اورمان‌لرینی قیته‌دن توغدیریش لایحه‌سینی قول اوستیگه آلگن و تخریب بولگن منطقه‌لرده پسته تخمی نی ایکیب، کمربند نی قیته‌دن قوریش‌گه حرکت قیله‌دیلر.
