.jpg){kind=spacer}
ترانسپورت و هوانوردلیک وزیری محمدالله بتاش‌نینگ ایتیشیچه، جاری ییل کیچیک نقلیه واسطه‌لرنی شهردن تشقری انتقال بیریب، باریب‌وکیلیش اوچون یالغیز شهری بس‌لردن فایده‌لنه‌دی.
اوتگن (یکشنبه کون) کابل‌ده بیر خبری ییغینده سوزگه چیقگن ترانسپورت و هوانوردلیک وزیری‌نینگ ایتیشیچه، انچه مدت‌دن بویان بو ایش اوچون تیکشیروو باشلنگن.
.jpg){kind=spacer}
جناب بتاش‌نینگ ایتیشیچه، اوتگن نیچه ییل جریانیده کابل بوییچه یالغیز 30 شهری بس فعالیت قیلگن، بیراق حاضر بوزیلگن بس‌لر قیته قوریلگنی‌دن کیین، اوشبو رقم 106 گه ییتیشگن و جاری ییل‌نی یریمگچه باشقه 200 بس کوپه‌یتیریلیشی ممکن.
شونینگ‌دیک، ترانسپورت و هوانوردلیک وزیری، مملکت بویلب دنیا معیارلریده 130 ترمینال قوریلیشی‌دن خبر بیره‌دی. جناب بتاش‌نینگ ایتیشیچه، اوشبو ترمینال‌لرنی ایشی باشلنگن صورتده، 65 مینگ‌دن آرتیق کیشی‌گه ایش زمینه‌سی یره‌تیله‌دی.
محمدالله بتاش، باریش‌وکیلیش بولیمی فنی‌لشتیریلیشی، ایزلش اوچون GPS سیستمه‌سیدن قول‌له‌نیشی، شهرده باریش‌وکیلیش بولیمی اساسی شکلده اوزگرتیریلیشی و پایتخت‌ده ایکینچی برقی دروازه ایجاد ایتیلیشی‌نی جاری ییل‌ده مذکور وزیرلیک‌نی اساسی ایشلری‌دن دیب بیله‌دی.
