جمهورلیک ریاست سیلاوی اوتکزیلگنیدن ایکی هفته اوتماقده و بو جریانده سیلاو کمیسیونی نینگ بایومتریک معلومات‌لرینی کمیسیون نینگ عمومی سروری گه انتقال بیریش بیرینچی ریجه‌سی نتیجه‌سیز قالگن.
سیلاو کمیسیونی نینگ مسؤوللری، بوگون جمهورلیک ریاست نامزدلری نینگ نماینده‌لری بیلن قوشمه بیر ییغین اوتکزیب بایومتریک معلومات‌لرینی کمپیوتر آرقه‌لی سیناو شکلده اوتکزیش خصوصیده، کیلیشگن.
اوشبو برنامه‌ده بایومتریک اسکونه‌سی نینگ هاردیسکی کمپیوترگه باغلنه‌دی و معلومات‌لر عمومی سرورگه اوتکزیله‌دی.
سیلاو ایرکین کمیسیونی نینگ کاتبلیک اداره‌سی باشلیغی حبیب‌الرحمان ننگ نینگ ایتیشیچه، سیلاو کمیسیونی بایومتریک معلومات‌لرینی عمومی سرورگه اوتکزیش اوچون ایکینچی برنامه‌نی قولگه آلگن.
دولت قورووچی و برقرارلیک و یقینلیک سیلاو تیم‌لری اعضالری نینگ ایتیشیچه، بو برنامه سیناو شکلده عمل گه آشیریله‌دی.
داکتر عبدالله عبدالله رهبرلیگی‌ده بولگن برقرارلیک و یقینلیک سیلاو تیمی نینگ اعضاسی نوررحمان اخلاقی نینگ ایتیشیچه، 14 شرط قوییب سیناو جریانینی قبول قیلیشگن.
جمهور رئیس محمداشرف غنی رهبرلیگی ده بولگن دولت قورووچی تیم اعضاسی داوود سلطان‌زوی نینگ ایتیشیچه، سیلاو کمیسیونی نینگ سیناولی برنامه‌سی بایومتریک معلومات‌لرینی تیزلیک‌که عمومی سرورگه اوتکزیش اوچون یولگه قوییلگن.
سیلاو ایرکین کمیسیونی بوندن آلدین، آلمانی‌لیک «درمالوگ» شرکتی نینگ ایکی انجنیری نی بایومتریک معلومات‌لرینی تیزلیک‌که عمومی سرورگه انتقال بیریش اوچون کابل گه چقیرگن ایدی. بیراق کورینیشیچه، آلمانی‌لیک انجنیرلر معلومات‌لرنی تیزلیک‌که انتقال بیریش قیین‌چیلیگی‌نی حل قیله آلمه‌گن.
