بامیانلیک تاجیک‌لر عدالت سوره‌ش حرکتی محلی حکومت‌نی تاجیک‌لرگه نسبتن تبعیضلی یانده‌شه دی دیگن‌لر.
اوشبو حرکت‌نینگ اعضالری بوگون توشدن آلدین پارک زرنگارده خبری بیر ییغین اوتکزیب محلی حکومت بولرگه قوریلیش ایشلر اوچون رخصت بیرمیدی دیگن‌لر.
بامیان محلی بلند مربته‌لی رسمیلری‌نینگ ایتیشیچه، بیرلشگن ملتلر تشکیلاتی‌نینگ علمی و فرهنگی تشکیلاتی (یونسکو) اوتگن ییل افغانستان حکومتی‌دن بامیان‌نینگ یشیل منطقه‌لریده قوریلیش ایشلر توخته‌تیلیشی‌نی سوره‌گن ایدی دیگن‌لر.
محلی حکومت، یشیل منطقه‌لرده قوریلیش ایشلر عمل‌گه آشیریلگن حالده، یونسکو بو ولایت‌نی دنیا مدنی تاریخی آبده‌لر رویخطی‌دن چیقاریلیشی‌نی بیلدیرگن.
یونسکونینگ بو تکلیفی آرتیدن محلی حکومت منطقه‌د‌ه‌گی یاغاچ ساتوچی‌لر، دکانلر باشقه ییرگه کوچیریش‌گه اولگورگن. اما، بو ایش بامیانلیک‌لرنینگ قرمه قرشی‌لیگی بیلن روپه ره بولگن.
بامیانلیک تاجیک‌لر عدالت سوره‌ش حرکتی‌نینگ اعضاسی محی‌الدین فرهمندنینگ ایتیشیچه، حقیقت‌نی تاپیش کمیسیون بامیان شهری‌نینگ قیزیل و یشیل ساحه‌سیگه عاید نیچه صفحه‌لیک گزارشنی تیارلب مرکزی حکومت‌گه تاپشیرگن؛ بیراق، محلی اداره بو قرارنی نظرده توتمه‌گن.
جناب فرهمندگه کوره، بامیان کهنه بازاری قیته قوریلیشی و ماسترپلان اوزگرتیریلیشی حقیقت‌نی تاپیش کمیسیونی‌نینگ قرارلریدن حسابلنه‌دی. او، جمهور رییس‌دن حقیقت‌نی تاپیش کمیسیون قرارینی نظرده توتیش‌نی سوره‌گن.
ییغین‌ده اشتراک قیلگن بیر قطار بامیانلیک‌لر محلی حکومت تاجیک‌لرگه قره‌شلی ییرلرنی زوردن تارتیب آلیب، اصل ایگه‌لریگه قوریلیش ایشلر قیلیش‌لری اوچون رخصت بیرمیدی دییه ادعا قیلگن‌لر.
لیکن، ولایت والیسی‌نینگ سوزلاوچی‌سی عبدالرحمان احمدی‌نینگ سلام‌وطندارگه ایتیشیچه، ولایت‌نینگ محلی اداره‌سی بوتون بامیان خلقی‌نینگ خذمتی‌گه دیگن. ییرلر تارتیب آلینگن لیگی‌نی ادعا قیلگن‌لرنینگ ادعاسی ولایت عدلی و قضایی اداره‌سی تامانیدن حل ایتیله‌دیدی.
