جلریز قورقووی
ایپک یولی ییتینچی بیره‌می‌نینگ بهانه‌سی بیلن یکشنبه کونی (1سنبله) ایرتلب تانگ وقتی بیلن ساعت تورت‌ده، تورت کیشی کابل‌نی بامیان نیتی‌ده ترک قیله‌میز. قورقوو و دهشت برچه روحی‌نی تاثیر آسیته آلگن. موتر جونه‌شی بیلن یولداشلریم برچه‌سی لب‌لری آستیگه دعالرنی زمزمه قیله باشله‌دی. همه‌میز قورققن.
هیداووچی بو کون‌لرده کابل – بامیان عمومی یولی امنیتی یخشی‌لیگی باره‌سیده بیزلرگه ایشانچ بیره‌دی، اما بو ایسه بیزنینگ خواطریمیزنی کمیتیرمیدی. بوندن نیچه پیت آلدین جلریز قانلی فاجعه‌سی یوز بیرگن ایدی و بیزهم انه شو یول بیلن بامیان باریش فکریگه توشگنیمیزده تَن‌ده ایتیمیز تیتریدی.
میدان وردک ولایت مرکزی میدان شهردن اوته‌میز، چمه‌سی هر یوز مترلیکده خوفسیزلیک پوسته‌لر ایجاد ایتیلگن. اوشبو پوسته‌لرنینگ موجودلیگی یولاووچی‌لر قورقوونی ینه – ده آشیره‌دی. مذکور پوسته‌لر امنیتی وضعیت عادی ایمس‌لیگیدن درک بیره‌دی. هیداووچی بیزلرگه قره‌ب، بو منطقه‌لر قوراللی طالب‌لر نظارتیده بولگن‌لیگینی تیل‌گه آله‌دی. ایجاد ایتیلگن پولیس پوسته‌لری‌نینگ هم مسوولیتی فقط یول امنیتی‌نی تامین قیلیش و یول اطرافیده‌گی طالب‌لرگه ایشی یوق. اونینگ سوزیگه کوره، جنگری طالب‌لر قیشلاق‌لرده ایرکین شکل‌ده فعالیت قیله‌دی.
آلدین‌دن _ آلدین هیداووچی‌دن بیزلرگه جلریزنی کورسه‌تیشنی سوره‌یمیز. جلریز باریش بیلن قورقوو کوپراق بوله‌دی. هیداووچی کورسته‌دیگن پوسته بوندن نیچه وقت آلدین قوراللی طالب‌لر هجومی آستیگه آلینیب برچه عسکرلری اولدیریلگن قرارگاه. مذکور پوسته «سرِ پل هوایی» دیب تانیلگن.
میدان شهردن جلریز ولسوال‌لیگیده‌گی سرچشمه‌گچه اونچه‌لیک یول ایمس. چمه‌سی 15 دقیقه‌ده باریلهدی. اما مذکور قیسقه یول یولاووچیلرگه تیریک‌لیکنی اچیق قیله‌دی. سرچشمه‌گه باریش بیلن تینچ نفس آله‌میز و هیداووچی بوندن بویان هیچ قنده‌ی خطر یوق لیگی توغریسیده ینه ایشانچ بیره‌دی.
سرچشمه‌دن بامیانگچه هیچ بیر پوسته یوق و یولاووچی‌لر تینچ خیال بیلن سفر قیله‌دی.
پای کوتل «حاجی‌گگ»، خامه یول‌گه توشه‌میز بو ییردن تا پای دره «کالو»ی بامیانگه قدر یول خام. «حاجی‌گگ» کوتلی (دوانی)دن اوتیب بامیان‌نینگ «کالو»ی دره‌سیگه ییتیشه‌میز. یولده جایلشگن کوم کوک و دریاچه‌نی باسیب اوته‌میز.
کمینه و یولداشلریم‌دن بیری، بیرینچی مرته بامیان سفر قیله‌میز. دره یولیده نیچه مرته موتردن توشیب چیرقیره‌ب – چیرقیره‌ب قورقوونی آرتده قالدیره میز.
بامیانگه ییردن ایکی یول بیلن باریلهدی، بیرینچی‌سی پروان ولایتی‌نینگ سیاه‌گرد یولیده جایلشگن پروان – بامیان و ایتیلیشیچه بو منطقه خوفسیزلیگی جلریزدن کوره یامانراق و ایکینچی یول جلریز ولسوال‌لیگی یولیده جایلشگن میدان وردک بامیان .
فقط بیرته هوا شرکتی انده – سنده بامیانگه اوچه‌دی. یولاووچیلرگه کوره، مذکور هوا شرکتی نینگ طیاره‌سی هم ایسکیرگن وایکی تامان تکت قیمتی هم اورته‌چه عایله‌لرنینگ قدرتی‌دن تشقری.
افغانستان جغرافیهسیدن تشقری ییر
شهرگه کیره‌دیگن پیت‌ده بامیان پولیسی تامانیدن جدی تیکشیریلیشی افغان امنیتی کوچلری خوفسیزلیک تامین ایتیلیشی اوچون مخصوص تدبیر نظرده توتگن‌لیکلری معلوم بوله‌دی، اما بامیانده تینچلیک حکم سوره‌دی؛ بو مساله بامیان ولایتی افغانستان جغرافیهسیدن تشقریده‌لیگی سیزیلیب توره‌دی.
بامیان شهری نیچه کوکلم دره دن عبارت. بامیان شهری اطرافی‌ده جایلشگن دره‌لر هر بیری مخصوص منظره گه ایگه، بو ایسه سیاحتچی‌لر اعتبارینی ینه – ده آرتیقچه اوزیگه جلب قیله‌دی.
افغانستان ولایت‌لری همده شهرلریدن بامیانگه کیلگن‌لر برچه‌سی افغانستان‌نینگ بوتون ولایت‌لری بامیان کبی بولیشی‌نی آرزو قیله‌دی.
بامیان شهری باریش‌دن سونگ بیر عالم قیین‌چیلیک بیلن هوتل‌لردن بیریده اتاق آلیش‌گه موفق بولیب و سکیز کیشی‌لیک بیر گروه قالبی‌ده بودا تامان یول آله‌میز. سلسال و شمامه ییریک بودالری هیکلی‌نینگ اورنی بوشلیگی و بو صخره ده قنده‌ی ییریک نرسه بارلیگی باره‌سیده اویلش هر بیر تماشاچینی حیرتگه ساله‌دی.
سلسال هیکلی اطرافینی بوزیب تشله‌نیشیدن قورقیب باغله‌گن‌لر و هیچ کیم‌گه مذکور غارلر اطرافی‌گه کیریب ایله‌نیش اوچون رخصت بیریلمیدی. اما، شمامه نینگ تکه‌تکه بولگن هیکلی هر بیر تماشاچینی اوز قوچاغی‌گه تارته‌دی.
ایکی بیرهم بیر وقت‌ده
بامیان بیش کون ایچی‌ده مینگلب انسان اوچون میزبان‌لیک قیله‌دی« سارک مدنی پایتختی، بامیان» و «ایپک یولی ییتینچی بیره‌می» دیر. شهرنینگ هوتل‌لری آدملرگه غیق توله، افغانستان ایریم ولایت‌لری اینیقسه کابل‌دن کیلگن مهمان‌لر سان‌سیز.
بیرکوندن سونگ ایرتلب ایکی بیره‌م‌نینگ آچیلش مراسمی، بو ییغین ولایت محلی بلند مرتبه‌لی رسمیلری، مجلس نماینه‌لری، اخبارات و مدنیت وزیرلیگی اورین باسری و سارک‌که اعضا مملکت‌لرنینگ نماینده‌لری اشتراک اوتکزیله‌دی. مذکور ییغین‌ده اوشبو بیش کونلیک بیرهم نینگ برنامه‌لری تانیشتیریله‌دی.
اوشه کون توشدن کیین (دوشنبه) «سارک صنعتچی‌لری هنری» بامیان تاریخی آبده‌لری سقلنه‌دیگن مرکزده آچیلیشی کوتیله‌دی. سارک تشکیلاتی‌گه اعضا مملکت‌لرنینگ صنعچی‌لری‌نینگ نقاشلیگی و عکس‌لری کورستووگه قوییلگن. هندو و پاکستان صنعتچی‌لری‌نینگ بو کورگزمه‌ده اورنی بوش.
چهارشنبه کونی توشدن سونگ قول صنعتی و قوشیق کنسرتی بامیان شهریده‌گی پارک‌ده اوتکزیلیشی ریجه‌لگن. سحر آرین، حمید سخی‌زاده، آرش بارز، سیدانور آزاد و بامیانلیک محلی آواز خوان‌لر بو نمایشده اشتراک قیلگن‌لردن، شونینگی‌دیک صنعتچی‌لر اهالی تمانیدن قیزیق کوتیب آلینه‌دی.
شونینگ‌دیک عایله‌لر اوچون پنج‌شبنه کونی شهرده‌گی هوتل‌لردن بیریده کنسرت بولیب اوتدی شوبوگون‌نینگ شامی‌ده «همدلی» کنسرتی بودا هیکلی مقابیلی‌ده اوتکزیلدی. بو کنسرت‌ده اهالی اینیقسه خاتین قیزلرنینگ اشتراکی افغانستان‌دیک بیر مملکت ده سابقه‌سیز.
بامیان محلی حکومت رسمیلری‌نینگ حساباتی‌گه کوره، مذکور بیرهم ده افغانستان ولایت‌لری قوشیمچه چیت ایلدن 60 مینگ کیشی اشتراک قیلگن.
ملی پارک
مذکور بیرهم نینگ سونگی کونلری (جمعه) بند امیر، افغانستان نینگ بیرینچی ملی پارکی‌ده اوتکزیلدی. بو ییرده محلی کنسرت و قوشیق اجرا ایتیلدی. اما، کیشیلرگه اینگ قیزیق توشگن نرسه بند امیر ایدی. ایریم حسابات‌ده، 18 مینگ کیشی بند امیرنی کوریب لذت آلگن‌لر.
بند امیر بوندن آلتی ییل آلدین (1388) ییلده اطراف محیطنی تازه سقلش اداره‌سی تامانیدن افغانستان‌نینگ بیرینچی ملی پارکی اعلان قیلیندی، بیراق مرکزی دولت بند امیر اوچون دییرلی اعتبار قرتمه‌گن. فقط نیچه ته لوحه ایکینچی‌لیک وزیرلیگی تامانیدن یاپیشتیریلگن و خلاص. یاپیشتریلگن لوحه‌لر فقط محلده‌گی اهالی چیقین‌دلرنی بو ییرگه تشلش‌لری اوچون سویق بوله‌دی.
بامیان مرکزینی بند امیرگه اولاوچی یول باریب یکاولنگ ولسوال‌لیگی مرکزیگه باریب ایریله‌دی. بو یول ایسه اسفالت ایتیلگن. حد اقل افغانستان مرکزی دولتی مملکت‌نینگ ملی پارکی دیب ناملگن اوشبو بندگچه بولگن یولنی هنوزگچه اسفالت قیلمه‌گن.
سیاحت
بامیان 2015- ییلده جنوبی آسیا منطقه‌سی همکارلیک‌لر تشکیلاتی‌نینگ پایتختی اعلان ایتیلدی. لیکن، افغانستان حکومتی بامیان اوچون اونده‌ی بیر مهم اساسی لایحه‌نی نظرده توتمه‌گن‌لیگی کورینیب تورگن. مرکزی دولت، اینیقسه افغانستان اخبارات و مدنیت وزیرلیگی و مملکت سیاحت اداره‌سی سیاحت صنعیتی رواجله‌نیشی اوچون بامیانگه جدی اعتبار بیریشی کیره‌ک ایدی.
بامیان‌نینگ گوزه‌لیگی‌گه قره‌می، اهالیسی شونچه‌لیک قشاق‌لیکده حیات کیچیره‌دی. بامیان ده سیاحت صنعتی رواجله‌نیشی شبهه‌سیز مذکور ولایت‌نینگ اقتصادی وضعیتی یخشی له‌نیشی اوچون ایجابی تاثیری بار.
بامیان میلادی جاری ییل نینگ پایانی‌گه قدره سارک فرهنگی تشکیلاتی‌نینگ پایتختی حسابلنه‌دی و دولت هم بوندن آرتیق یره‌تیلگن فرصت‌نی قولدن بیرمس‌لیگی لازم. چمه‌سی یریم ییل بامیان والی‌سیز باشقریلدی و حاضرایسه ینگی دن مذکور ولایت‌نینگ والیسی ایش‌گه باشله‌گن. ولایت والیسی قوشیمچه محلی اداره‌لر سارک تشکیلاتی‌گه اعضا مملکت‌لرنینگ بامیان اوچون کوپراق کومک و همکارلیگینی جلب ایتیشلری حتمی و ضرور بیر مساله.
