کابل یشاوچیلریدن بیرقطاری نینگ ایتیشیچه، منطقه‌لریده ییر آستی سوولری قویی توشگن و اولر ایچیم‌لیک سوو کم‌لیگی گه روپه ره بولیشگن.
اولرنینگ ادعا قیلیشیچه، کوپینچه پیت‌لر بیر بشکه سوو اوچون اوزاق ییرلرگه باره‌دیلر و یا-ده یوقاری قیمت بیلن سوو ساتیب آله‌‍دیلر.
باشکینت یشاوچیلری نینگ ایتیشیچه، منطقه‌لرینی ایچیم‌لیک سوولری صحی بولمه‌گنی باعث، بویرک کسل‌لیگی گه چالینگنلر.
عین حالده، افغانستان بوییچه سوو ییتکزیش و کانالیزاسیون اداره‌سی نینگ سوزلاوچیسی و نشرات بولیم مسؤولی نوید سعیدی، کابل‌ده سوو کم‌لیگی‌نی تَن آلیب ایتیشیچه، اولر بو قیین‌چیلیک‌نی حل قیلیش اوچون ایریم برنامه‌لرنی قولگه آلیشگن، بیراق یشاوچیلر هم سوو صرفلش خصوصیده دقت قیلیش‌لری کیره‌ک.
جناب سعیدی نینگ کوپه‌یتیریشیچه، کابل‌ده ییر آستیده‌گی سوولر سوو ییتکزیش خصوصی شرکت‌لر، موتر یووه‌دیگن‌لر، حمام‌لر، سونالر و معدنی سوو و گازلی ایچیم‌لیک‌لر ایشلب چیقریش شرکت‌لر تامانیدن دقت سیز شکلده صرفله‌نیشی خواطرلی دیر.
سعیدی گه کوره، کابل شهری نینگ جمعیتی حددن تشقری دیر و بو موضوع گه قره‌گنده، کابل‌ده موجود ییر آستی سوولری ییترلی ایمس.
جناب سعیدی نینگ کوپه‌یتیریشیچه، حکومت باشکینت‌ده سوو کم‌لیگی خصوصیده بولگن قیین‌چیلیک نی اساسی شکلده حل قیلیش اوچون اوزاق مدتلی برنامه‌لرنی قولگه آلگن.
