دفتردن چیقه‌من، وقت کیچ دیر و هوا هم قارانغو بولگن. تیزلیک‌ده دفتردن موتر ایستگاهی گچه 10 دقیقه بولگن یول‌نی کیزه‌من. جاده‌لر خلوت بولگن و کون دوامیده باشکینت جاده‌لری گاوجوملیگی‌دن هیچ خبر یوق دیر.
جاده چیکه‌سیده اورنه‌تیلگن چراغلر سریغ یاغدوسی بیلن جاده‌نی یاروغ قیله‌دی. موترلرنینگ حرکتی نتیجه‌سیده هوا گه یایین‌لنگن چنک و غبار چراغلرنی یاغدوسی بیلن نازک پرده تشکیل بیرگن. ایستگاه ده لینی موترلردن هیچ خبر یوق و ایستگاه ده یالغیز اوچ کیچیک موتر موجود و هیچ بیری مین کیته‌دیگن یولگه کیتمه‌یدی.
جاده نی چیکه‌سیده انتظار قاله‌من، اوته‌دیگن موترلرنینگ یولی مین کیته‌دیگن یول ایمس دیر. نتیجه‌ده کوتماق یکونلندی و بیر موترنینگ آرقه چوکی‌سیده اوچ یولاوچی (بیر عیال و باشقه ایکی ایرکک بیلن همراه بولگن) و آلدینگی چوکی‌ده بیر ییگیت کیچیک بیر باله بیلن اولتیرگن. مین باره‌دیگن یولگه کیتیشی‌نی بیلدیره‌دی، هیداوچی موترنی توخته‌تدی. ایلگری باریب «کوته‌سنگی» باره‌سن می دیب سوره‌یمن، اولتیر دییدی. موترنینگ آلدینگی دروازه‌سینی آچدیم، هیداوچی‌نینگ اولتیرگن ییگیت‌گه ایتیشیچه، «او بچه بو تامان گه اولتیر». ییگیت اوزینی تارته‌دی و مین اوچون جای بوشته‌دی.
آلدینگی چوکی‌ده ییگیت‌نینگ یانیده اولتیره‌من و موتر یولگه توشه‌دی. موترنینگ یولاوچی‌لری بیر عایله‌نینگ اعضاسی بولگنینی توشوندیم، آته، آنه، باله‌لر و باشقه بیری عایله اعضاسی بولیشی ممکن. جاده خلوت دیر و موتر هم تیزلیک بیلن ایلگری کیته‌دی. بهارستاندن بیر آز اوتگنیمیزدن سونگ، آرقه چوکی‌ده اولتیرگن‌لردن بیری استاد شو ییرده توشه‌من دییدی. هیداوچی موترنی توخته‌تدی و یولاوچی کراسی‌نی پیاده بولدی. هیداوچی ییگیت باله‌دن آرقه گه اوتیشی‌نی ایسته‌دی. مین ایسه پیاده بولدیم و ییگیت باله یانیده‌گی کیچیک باله بیلن آرقه گه اوتدی و آرقه چوکی‌ده آته و آنه‌سی‌نینگ یانیده اولتیره‌دی.
موتر ینه حرکت‌گه باشله‌یدی. حاضر ایسه آرقه چوکی‌نینگ یولاوچی‌لری بیر عایله‌نینگ اعضاسی بولگنینی گه ایشاندیم. کارته پروان دن اوتدیک، جاده چیکه‌سیده بیر کیشی موتر کوتیب توریب دی. موتر اونگه یقین‌لشه‌دی، یولاوچی کوته‌سنگی تامان اشاره قیله‌دی؛ بیراق هیداوچی اونگه دقت قیلمه‌دی و یولی گه دوام بیره‌دی. باغ بالادن اوتدیک، پولی‌تخنیک بیلیم یورتی گه ییتیشمس‌دن باشقه بیر یولاوچی موتر کوتیب تورگن، او هم قولی بیلن اشاره قیله‌دی و اوندن سونگ، یوقاری سیس بیلن «کوته‌سنگی» دییدی. هیداوچی ینه هم دقت قیلمس‌دن یانیدن اوته‌دی. وقت کیچ بولیب‌دی، نیچه اوچون او کیشی‌نی میندیرمه‌دینگ، او هم کوته‌سنگی کیتردی، تینچلیک بیلن «او قنبر تورت یولی‌نینگ یولاوچیسی ایدی دییدی.»
بیر آز تعجب قیلدیم؛ بیراق هیچ نرسه دیمه‌دیم. موتر «کارته مامورین» تورت یولیده کوته‌سنگی تامان ایلندی. سیلو جاده‌سی کوندوزگه قره‌گنده جوده هم خلوت دیر. موتر هیداوچیسی تینچلیک بیلن هیده‌یدی، کیم‌سه سوزلمه‌یدی. سیلونینگ بیرینچی سرکی‌دن اوتیب سونگی فرغی سرک‌که ییتیشدی، هیداوچی (فرعی سرک‌که) راست قول گه ایلندی.ناراضلیک بیلدیریب «قیرده باره‌سنگ، بو طرف گه نیمه قیله‌سنگ؟» دیدیم. شو پیت‌ده ساووق بیر نرسه‌نی بوینیم‌ده حس قیلدیم، تیمیردن بولگن بیر نرسه ایدی، شو پیت‌ده ظریف بیرعیال‌نینگ سیسی نی ایشیتدیم «سیس چیقارسنگ هلاک ایتیله‌سنگ». توغری، بو سیس عایله‌نینگ آنه‌سی فکر قیلگن عیال‌نینگ سیسی ایدی. بو عیال آرقم ده اولتیریب توفنگچه نی می‌نینگ قولاغیم گه قوییب جیم توریشگه تهدید قیله‌دی. اوزیم‌دن دفاع قیلیش‌نی ایسته‌دیم؛ بیراق موتر هیداوچی اوچی تیز بولگن بیر نرسه‌نی مینگه توغری قیلیب اوزینگ‌نی قیپیردتمه هلاک بوله‌سنگ، هزل قیلمه‌یمن دیدی. حاضرگچه کوپ قطار کیشی‌لرنی چاقو بیلن اورگنمن.
ایته‌من: نیمه ایسته‌یسیز؟
ایته‌دی: بار نرسنگ‌نی چیقار، پول، تیلفون و بهاسی یوقاری بولگن نرسه‌لرینگ‌نی چیقار.
ایته‌من: کوپ نرسم یوق.
عیال هیدواچی گه ایته‌دی: تیکشیر.
موتر هیداوچیسی چونتک‌لریم‌نی آختره‌دی، پول، کارت‌لر و چونته‌گیم‌ده بار نرسه‌نی چیقاره‌دی. تیلفونم نی آلیب، سیم کارت لریم‌نی قیته دن بیره‌دی. پول‌لریم نی آله‌دی یالغیز 50 افغانی مینگ بیریب ایته‌دی،« بونی آل کرایه قیل و موتر دن توش» موتر دن که توشه‌من ایته‌دی« کینگه قره‌سنگ اوستینگه اوق آته‌میز»
یول گه توشیب موتردن اوزاق لشه‌من. موترنینگ سیسی‌نی ییشیته‌من تیزلیک بیلن اوزاقلشه‌دی؛ بیراق آرقه‌گه قره‌ش گه جرأت قیلمه‌یمن. جاده چیکه‌سیده ییتیشگنیم دن سونگ کیین‌گه قره‌سم موتر یوق. راحت نفس آلیب اوزیم گه فکر قیله‌من، ایرکک، عیال و باله‌لر شبهه‌لی کورینمس ایدی. کیین ایته‌من بو اهالی‌نینگ چونتک‌لرینی بوشه‌تیش اوچون ینگی طریقه دیر.
