بارسلونا فوتبال تیمی یوونتوس برابریده اوچ – بیر مقابلی‌ده اورپا قهرمان‌لیک کپی‌نی آلدی.
اوتگن آقشام بارسلونا فوتبال تیمی لوییس انریکه باشلیغی‌ده یوونتوس بیلن اوتکزگن فوتبال اویینی‌ده نیمار، سوارز و ایوان راکیتیج‌لر اورگن گول‌لر نتیجه‌سیده موفق‌لیککه ایریشدی.
ایوان راکیتیج اویین‌نینگ تورتینچی دقیقه‌سیده بیرینچی گول‌نی ثمرگه ییتکزیش‌گه موفق بولدی.
بیرینچی گول‌دن سونگ‌هم بارسلونا تیمی یوونتوس میدانی‌ده هجوم‌گه پایان بیرمی، اما اویین‌نینگ بیرینچی یریمی بیر- صفر بیلن اوز پایانی‌گه ییتدی.
اویی‌نینگ ایکینچی یریمی‌ده آبی اناری‌لر رقیب تیم اوستی‌گه بولگن هجوم‌گه دوام ایتیریب، 55 دقیقه‌ده یوونتوس تیمی «آلوار و موراتا» نینگ گول اوریشی بیلن نتیجه بیر- بیر گه ایلندی.
اوشبو اویین‌نینگ ایکینچی یریمی‌ده بارسلونا نیچه مرته گول اوروش زمینه‌سی‌گه ایریشیشی بیلن گول اوروش‌گه موفق بوله آلمه‌گن.
آلگری شاگردلری آلیب بارگن سعی و حرکت‌لریگه قره‌می گول اوروش‌گه موفق بولمه‌گن‌لر.
اما، اویین‌نینگ 68 دقیقیه‌سیده توپنی لیونل مسی سوارزگه ییتکزیش بیلن بارسلونا ایکینچی گول‌نی ثمرگه ییتکزیش‌گه موفق بولدی.
اویین دوامیده، یووه تیمی اویین‌نی مساوی قیلیش اوچون آلیب بارگن سعی وحرکت نتیجه بیرمه‌دی.
شونینگ‌دیک بارسلونا اویینچی‌سی نیمار اوچینچی گول‌نی ثمرگه ییتکزیش‌گه موفق بولدی.
بو موفقیت بیلن بارسا تیمی بیر فصل‌ده اوچ مرته جام نی قول‌گه کیرتیش‌گه موفق بولدی.
شونینگ‌دیک مذکور تیم بوندن آلدین لالیگاجامی ولیگ حذفی اویین‌لریده هم اسپانیاده غالب چیققن ایدی.
