بادغیس ولایتی‌ده بیر 18 یاشر قیز، بیر اوغیل بیلن علاقه‌دارلیک‌که عیب‌لنیب آته‌سی تامانیدن آتیب اولدیریلدی. بادغیس حاکمی سوزلاوچیسی ظاهر بهان‌نینگ سلام‌وطندارگه ایتیشیچه، بو واقعه مذکور ولایت‌نینگ قادس تومنی ریگی منطقه‌سیده یوز بیرگن.
جناب بهان‌نینگ ایتیشیچه، بو قیزنینگ آته‌سی اونی بیر اوغیل بیلن زِنا قیلیب یاتگن بیرچاغده کورگن و عین پیت‌ده قیزینی آتیب تشله‌گن و اوغیل قاچیب کیتگن.
بادغیس حاکمی سوزلاوچیسی‌نینگ ایتیشیچه، بو قیزنینگ آته‌سی محل‌دن قاچگن و قضیه عامل‌لری قولگه آلینیشی خصوصیده تیرگاو باشلنگن.
شونینگ‌دیک، اوشبو واقعه‌نی تصدیق‌لگن بادغیس ولایتی کینگشی اورین باسری محمدفرید اخیزی‌نینگ ایتیشیچه، بو قتل طالب‌لرنینگ نظارتی‌ده بولگن منطقه‌ده یوز بیرگن.
اونگه کوره، بو واقعه اوتگن بیر آی‌ده بادغیس ولایتی‌ده بیرینچی ناموسی قتل بولگن.
