بادغیس ولایتی کینگش باشلیغی عبدالعزیز بیک نینگ سلام‌وطندارگه ایتیشیچه، امنیتی کوچلردن 500 ته‌سی بیر هفته‌دن بویان بالامرغاب تومنی نینگ شرکت منطقه‌سیده جای‌لشگن ملی اردو قرارگاهی‌ده طالبان تامانیدن قمراوگه آلینگن.
بادغیس ولایتی کینگش باشلیغی نینگ ایتیشیچه، قمراوگه آلینگن کوچلر اوروش جهازلری و آذیق- آوقات کم‌لیگی بیلن روپه‌ره بولکن‌لر.
جناب بیک نینگ ایتیشیچه، یالغیز ملی اردو قرارگاهی امنیتی کوچلر کنترلی‌گه دیر و بو تومن باشقه بولیم‌لری طالبان نظارتی‌گه کیرگن.
بادغیس ولایتی کینگش باشلیغی نینگ کوپه‌یتیریشیچه، ملی اردو هوایی کوچلری اوتگن کیچه طالبان مرکزلرینی هدف آستیگه قرار بیرگن، بیراق نتیجه‌ده عیاللر و باله‌لر شامل 10 تینچ اهالی هلاک ایتیلگن.
بادغیس ولایتی کینگش باشلیغی نینگ آگاه‌لنتیریشیچه، قمراوگه آلینگن کوچلرنی قوتقریش اوچون حکومت و چیت‌ایللیک کوچلر سعی و حرکت قیلمه‌گن صورتده، انسانی فاجعه یوز بیریشی ممکن.
بادغیس حاکمی عبدالغفور ملکزی، امنیتی کوچلرنی طالبان قمراویگه قرار تاپگنی‌نی رد قیله‌دی، بیراق امنیتی کوچلر تامانیدن اویوشتیریلگن هوایی هجوم نتیجه‌سیده 6 تینچ اهالی نینگ هلاک ایتیلگنی‌نی تصدیق‌لیدی.
بالامرغاب، بادغیس ولایتی نینگ ناتینچ تومن‌لریدن بیری دیر و بو تومن اوتگن 6 آی جریانیده ایکی مرته طالبان قولیگه سقوط قیلگن.
