.jpg)
دایکندی ولایتی‌نینگ سنگ تخت‌وبندر تومنی قولدستک قیشلاغی‌ده قویاشلی بیر پنج‌شنبه کون‌نی عصر چاغی نیچه کیشی 14 یاشر کبرانینگ کلتک‌لب و قیناقله‌گنیدن سونگ، اوز چادری بیلن بیر درخت گه آسه‌دی. کبرانینگ عایله‌سیگه کوره، بو قضیه نیچه ییل آلدین تیکشیریلمس‌دن یاپیلگن قضیه گه باریب تاقیله‌دی.
حکایه ییل‌لر آلدین باشلنگن؛ قویاش 1377- ییل‌ده (کبرانینگ آنه باباسی حسین) ییر توغریسیده بولگن جنجل اوستیگه محمدامیر آتلی بیر کیشی تامانیدن اولدیریلگن.
حسین قتل ایتیلگنیدن سونگ، عایله‌سی بو قضیه‌نی قانونی شکلده حل قیلیش اوچون سعی و حرکت قیله‌دی و شو یوزه‌دن عدالت گه قول تاپیش اوچون برچه عدلی و قضایی اداره‌لرگه باش اوره‌دی، بیراق سعی و حرکت‌لری نتیجه‌سیز قاله‌دی. حسین قتل ایتیلگنیدن سونگ، عایله اعضاسی هم تهدید، زوره‌وانلیک‌که روپه‌ره بولیب و اوغیرلنه‌دی. بیراق مسؤول اداره‌لر، بو قضیه‌نی تیکشیریش اوچون هیچ قنده‌ی دقت قیلمه‌یدی.
اوشبو قضیه توغریسیده حکومت رسمی‌لری‌نینگ دقت سیزلیگی سبب، حسین عایله‌سی قوم بویوک‌لریگه مراجعت قیله‌دی. سنگ تخت‌وبند مردمی کینگشی، آق سقاللری و دین عالم‌لری‌نینگ قراری اساسیده، قاتل قولگه آلینیب و قتل ایتیلگن کیشی‌نینگ قان بهاسی بیریلگونگه‌قدر، قاتل‌نینگ برچه ییری و درخت‌لری قتل ایتیلگن کیشی‌نینگ عایله‌سینی اختیاریده بوله‌دی.
بیراق، 1388- ییل‌ده قاتل کیشی‌لر، حسین‌نینگ اوغلی محمداسحق نی اویی‌نینگ مقابلی‌دن اوغیرلب و 15 کیچه و کوندوز اوزلری‌نینگ آلدیده سقله‌یدی و شونینگدیک، یوز مینگ افغانی اوندن آله‌دیلر. اسحق قوم بویوک‌لری‌نینگ سعی و حرکتی نتیجه‌سیده بو کیشی‌لرنینگ قولیدن قوییب یوباریله‌دی و جانی‌نی قوتقریش اوچون ایران گه قاچیب کیته‌دی.
حسین‌نینگ قیزی صغرا، آته‌سی قتل ایتیلگنیدن سونگ، محمد آتلی بیر کیشی بیلن اویلنه‌دی. صغرانینگ آته‌سینی قاتل‌لری، بو خویش‌لیک‌دن سونگ، دشمن‌لیک‌لرینی صغرانینگ ایری بیلن باشله‌یدی. نتیجه‌ده صغرا، ایری و قیزلری هم تهدید و زوره‌وانلیک‌که روپه‌ره بوله‌دی.
کبرانینگ آته‌سی محمد رضایی‌نینگ ایتیشیچه، 1380- ییل‌ده کبرانینگ آنه‌سی بیلن اویلنگن و کبرا شامل بیش قیزی بار. اونینگ ایتیشیچه، اویله‌نیشیدن آلدین کیم‌سه بیلن خصومت یوق ایکن، بیراق اویلنگنیدن سونگ، قیین‌آته‌سی‌نینگ دشمنی، او، خاتینی و فرزندلرینی هردایم تهدید قیله‌دی.
.jpg)
محمدگه کوره، جاری ییل روزه آیی‌نینگ 16 سیده، کبرانینگ قاتل‌لرینی اوچینچی ایناغه‌سی نجیب، کبرانینگ آنه‌سی صغرانی اویی‌ده کلتک‌لگن. بو مرته هم عدلی و قضایی اداره‌لر محمدنینگ شکایتی گه قولاق سالمه‌گن.
صغرانینگ کلتک‌لگنیدن سونگ، قیزی‌نینگ قتلی‌گه عیب‌لنگن کیشی‌لر، کبرانینگ کته سینگلیسی زهرانینگ مکتب‌نی یولیده اولدیریش اوچون آگاه‌لنتیره‌دی. بو قضیه سبب، زهرانینگ عایله‌سی قیزنی مکتب بارگنی قویمه‌یدی، بیراق دایکندی والیسی بو قضیه گه کیره‌دی و قضیه‌نی حل قیلیش اوچون ایشانچ بیره‌دی. نتیجه‌ده والی‌نینگ سوزلری سبب بوله‌دی کبرانینگ عایله‌سی تینچلیک اختیار قیله‌دی و سونگی‌ده قیزی‌نینگ دارگه آسیلگنینی ایشیته‌دی.
محمدنینگ ایتیشیچه، قاتل‌لردن 2 ته‌سی قاچیب کیتگن و باشقه بیر عیال شامل اوچ کیشی توتقونگه آلینگن. اونگه کوره، کبرا ذکاوتلی قیز ایکن و قیش موسومی ده تاغه‌سی‌نینگ آلدیگه کابل کیلیب و بیر کون قاره‌لاوچی بولیش اوچون کوچلنتیریش صنف‌لرگه اشتراک قیله‌دی ایکن.
شونینگدیک، کبرانینگ تاغه‌سی حسن رضا، محمدنینگ سوزلرینی تصدیق‌لیدی. اونینگ ایتیشیچه، اوتگن 20 ییل‌ده قوراللی کیشی‌لر اولرنینگ اوستیدن قول کوترمه‌گن و هر کون ینگی جنایت گه قول اوره‌دیلر.
کبرانینگ آته‌سی و تاغه‌سی دولتی اداره‌لردن عدالت ایسته‌یدی. اولرنینگ ایتیشیچه، دولت عدالت‌نی تأمین قیله آلمه‌گن صورتده، «کیلیب بیزلرنینگ برچه‌میزنی اوققه توتسین و بونده‌ی قورقینچ‌لی حیات‌دن قوتقرسین.»
شونینگدیک، دایکندی محلی منبع‌لرنینگ ایتیشیچه، حاضرگچه اوچ کیشی قتل گه عیب لنیب قولگه آلینگن، بیراق کبرانینگ عایله‌سی بو دوسیه هم سابق دوسیه‌لردیک نتیجه‌سیز یاپیلیشی‌دن قورقه‌دی.
کبرانینگ آته‌سینی ایتیشیچه، قیزی بی گناه و معصوم ایدی و عایله‌سی بیلن دشمن بولگنده هم بیر معصوم باله‌نی اولدیریش کیچیریم سیز دیر و عدلی و قضایی اداره‌لر و انسان حقلری ایرکین کمیسیونی کبرانینگ قاتلی و همراهلرینی قانون گه تاپشیریشی کیره‌ک.
