.jpg)
هلمند ولایتیده جنگری طالبان نینگ ایکّی بولیمگه ایریلگن گروهی بیر- بیراویگه قرشی انتحاری هجوم صادر قیلگن. هلمند ولایتی نینگ محلی مسووللری، بوگون ایرتلب تانگ وقتی بیلن بیر انتحارچی ملامحمدرسول‌گه قره‌شلی طالبان‌نی هجوم آستیگه آلگن دیدیلر.
هلمند ولایتی والیسی نینگ سوزلاوچیسی عمر زواک نینگ سلام‌وطندارگه ایتیشیچه، ملا هیبت‌الله رهبرلیگی‌ده طالبان گروهی بوگون پارتلاوچی ماده‌گه تولدیریلگن موترنی ملا رسول آرقه‌لی رهبرلیک ایتیله دیگن طالبلر یقینی‌ده پارتله‌تیب یوبارگن.
جناب زواک‌که کوره، بو حادثه توغریسیده‌گی دستلبکی معلوماتلرده 3 طالب هلاک بولگن و 5طالب ایسه یره‌لنگن. اونینگ سوزلریگه کوره، دشت سمینار هلمند ولایتیده ملامحمد رسول‌گه وفادار طالبان کنترولی‌ده بولگن.
هلمند پولیس قوماندانلیگی نینگ سوزلاوچیسی عبدالسلام افغان، ملا رسول رهبرلیک قیله‌دیگن طالبلر «چهارشنبه میله» ملا هیبت‌الله آرقه‌لی رهبرلیک قیلنه‌دیگن طالبلرگه ضد انتحاری هجوم صادر ایتگنلر دیگن. بو انتحاری هجوم نینگ عاقبتی‌ده 4 طالب عالمدن اوتگن و3 تن جراحتی آلگن.
اما، قوراللی طالبلرنینگ سوزلاوچیسی قاری یوسف احمدی ییتکرمه‌لرگه پیام یوللب، گرشک تومنی‌ده هلمندلیک محمدنسیم آرقه‌لی موترگه تولدیریلگن پارتلاوپی ماده ملی امنیت اداره‌سی نینگ بیر قطعه‌سی برابریده انفجار بیریلگن دیدی. نتیجه‌ده 26 کیشی قربان بولگن دیدی احمدی. لیکن، امنیتی مسووللر قاری یوسف احمدی‌نینگ بو ادعاسینی رد ایتگنلر.
