افغانستان ایچکی ایشلر وزیرلیگی، مملکت 25 ولایت‌ده اسلامی دولت (داعش) گروهی حضوری توغری‌سیده بیرلشگن ملت‌لر تشکیلات ینگی گزارشی‌نی رد ایتدی.
اوشبو وزیرلیک سوزلاوچیسی صدیق صدیقی، یکشنبه کون کابل‌ده اوتکزیلگن خبری ییغینده ایتیشیچه، مملکت استخباراتی معلوماتی 25 ولایت‌ده داعش حضورینی تصدیق قیلمه‌یدی.
بیرلشگن ملت‌لر تشکیلاتی القاعده ترماغی فعالیت‌لری خصوصیده بولگن ینگی گزارشی‌ده افغانستان 25 ولایتی‌ده اسلامی دولت (داعش) گروهی حضوری و فعالیت‌گه باشلگنینی ایتکن.
شونینگ‌دیک اوشبو گزارش اساسیده، ینگی لیک‌ده سوره و عراق‌دن 70 جنگری داعش افغانستان کیلگن و عصیانچیلیک فعالیت‌لرگه باشله‌گن.
بیراق ایچکی ایشلر وزیرلیگی سوزلاوچیسی‌گه کوره، افغانستان‌ده داعش حضوری یالغیز هملند و ننگرهار ولایت‌لریده رویخط‌گه آلینگن و ننگرهارده جدی تهدید سنله‌دی.
جناب صدیقی‌گه کوره، «حاضر 25 ولایت مسئله‌سینی تصدیق قیله‌آلمه‌یمیز، بیراق اولر هر ییرده باش کوتریش خصوصیده سعی و حرکت قیله‌دی و خلق‌نی داعش گروهی‌گه قوشیلیش توغری‌سیده آلقیش‌له‌یدیلر».
عین حالده، ایچکی ایشلر وزیرلیگی، داعش گروهی‌نی افغانستان اوچون جدی تهدید بیلیب ایتیشیچه، دنیاجماعه‌چیلیگی همکارلیگی‌ده، بو گروه‌نی افغانستان‌دن یوقاتیش خصوصیده سعی و حرکت قیله‌دی.
انه شونده‌ی، حربی ایش بیلرمانلردن بیرقطاری‌نینگ ایتیشیچه، افغانستان‌ده داعش گروهی فعالیت‌لری آلدی آلینمه‌گن صورتده، اوشبو گروه کیله‌سی ییل خطرلی بولیشی ممکن.
حربی ایش بیلرمان جاوید کوهستانی سلام‌وطندار بیلن اوتکزگن صحبتیده، سوریه و عراق‌دن داعش گروهی ینگی جنگری‌لری افغانستان کیلگنینی ایتکن و بو کیلگن گروه، عصیانچیلیک و عسکر آلیش خصوصیده فعالیت قیله‌دی.
جناب کوهستانی‌نینگ ایتیشیچه، داعش گروهی افغانستان جنوب غربی و شرقی منطقه‌لریده اورگه‌تیش مرکزلری ایجاد ایتیش خصوصیده چاره تدبیر کورماقده و بو گروه کیله‌جک‌ده مملکت اوچون جدی تهدید بوله‌آله‌دی.
حربی ایش بیلرمانلر ایشانچی‌گه کوره، دولت تامانیدن داعش گروهی مرکزلری اورته‌دن کیتیشی توغری‌سیده چاره تدبیر کوریلیشی لازم.
پارلمان عضوی عبدالحی آخندزاده‌نینگ ایتیشیچه، سوریه و عراق‌دن هیچ بیر گروه افغانستان کیلمه‌گن، بلکیم افغانستان خلقی‌دن «گروه گروه» بولیب داعش گروهی‌گه قوشیلماقده.
بیراق، پارلمان‌نی باشقه بیر عضوی علی‌اکبر قاسمی‌نینگ ایتیشیچه، اوشبو گروه داعش جنگری‌لری‌گه کوپینچه امکانیت بیریش و عمومی وضعیت‌نی تیکشیریش اوچون افغانستان کیلگن.
عین حالده، ایچکی ایشلر وزیرلیگی سوزلاوچیسی‌نینگ ایتیشیچه، امنیت کینگشی، داعش‌گه قرشی کوره‌شیش خصوصیده بیر لایحه توزه‌تکن و امنیتی کوچلر بیرگه‌لیک‌ده داعش گروهی برابریده کوره‌شه‌دی.
جناب صدیقی‌گه کوره، مملکت ملی امنیت تشکیلاتی داعش گروهی‌گه قرشی کوره‌شیش خصوصیده ینگی بیر قوریلمه ایجاد ایتکن. اوشبو قوریلمه اوتکن اوچ آی جریانیده، مذکور گروه اعضالریدن کمیده 300 ته‌سینی ننگرهارده اولدیرگن.
