افغانستان نوین قورولیش شرکت‌لر بیرلشمه‌سی‌نینگ مسؤوللریدن بیرقطاری، ناراضیلیک‌لری دوامیده بوگون ناراضیلیک شکلده کفن کییگن‌لر.
اولرنینگ ایتیشیچه، تورت کوندن بویان ایچکی ایشلر وزیرلیگی‌نینگ بِناسی اونگیده ناراضیلیک خیمه قوریب و مذکور وزیرلیک‌نینگ مسؤوللریدن قرض‌لرینی بیریش‌لرینی سوره‌گن؛ بیراق حاضرگچه اولرنینگ ایستک‌لریگه دقت قیلینمه‌گن.
مذکور بیرلشمه باشلیغی داوود توتاخیل‌نینگ ایتیشیچه، اوتگن 5 ییل جریانیده، 200 دن آرتیق قورولیش شرکت مملکت‌نینگ ایریم ولایت‌لریده کمیده 7 میلیارد افغانی ارزشی گه ایچکی ایشلر وزیرلیگی‌نینگ قورولیش پروژه‌لریدن بیرقطاری‌نی عمل گه آشیرگن؛ بیراق بو وزیرلیک حاضرگه‌‍قدر شرکت‌لرنینگ پولی‌نی بیرمه‌گن.
اعتراضچی‌لر بیر شرطنامه اوقیب ایچکی ایشلر وزیرلیگی‌نینگ آگاه‌لنتیریشیچه، مذکور وزیرلیک 7- اسدگچه قرض‌لرینی توللمه‌گن صورتده، یوللرنی باغلب و اوزلرینی اوتگه تارته‌دیلر.
افغانستان نوین قورولیش شرکت‌لر بیرلشمه‌سینی اورین باسری عنایت‌الله الکوزی‌نینگ ایتیشیچه، اوزلرینی یاندیرگنده هم پول‌نی قولگه کیریته آلمه‌گن صورتده، ایچکی ایشلر وزیرلیگی و جمهورلیک ریاستی قوشیمچه مملکت‌نینگ 34 ولایتیده هم تحصن خیمه قوره‌دیلر.
عین حالده، ایچکی ایشلر وزیرلیگی سوزلاوچیسی نجیب دانش‌نینگ ایتیشیچه، قورولیش شرکت‌لری اوشبو وزیرلیک‌نینگ یالغیز 320 پروژه‌سینی عمل گه آشیرگن و بو شرکت‌لرنینگ ایشلری تیکشیریلیشی اوچون کمیسیون تعیین ایتیلگن و کمیسیون‌نینگ تیکشیروولری یکونلنگنیدن سونگ، شرکت‌لرنینگ پوللری بیریله‌دی.
دانش‌نینگ کوپه‌یتیریشیچه، ایچکی ایشلر وزیرلیگی برچه مسؤول اداره‌لرگه قورولیش شرکت‌لرنینگ ایستک‌لری و تکلیف‌لرینی ایشیتیب و اونگه اساس عمل قیلیش‌لری توغریسیده بویروغ بیرگن.
