بوگون "دوشنبه" اداری فسادگه قرشی کوره‌شنی تیکشیریش و نظارت قیلیش قوشمه کمیته یا-ده میک، کابلده بیرخبری ییغین آرقه‌لی، ایچکی ایشلر وزیرلیگی توغریسیده بولگن تکلیف‌لری خصوصیده بولگن گزارش‌نی ترقه‌تگن.
اوشبو کمیته کاتبی میوند روحانی نینگ ایتیشیچه، بیر ییل جریانیده عملگه آشیریلیشی اوچون ایچکی ایشلر وزیرلیگی‌گه 56 تکلیف ارایه قیلگن ایکن‌لر، بیراق 8 آی جریانیده 31 تکلیف کامل صورتده عملگه آشیریلگن و باشقه 11 تکلیف عملی ایتیلماقده، 11 تکلیف آرشیف ایتیلگن و باشقه 3 تکلیف نینگ عملی ایتیلیش ایشی حاضرگه‌قدر باشلنمه‌گن.
اداری فسادگه قرشی کوره‌شنی تیکشیریش و نظارت قیلیش قوشمه کمیته یا-ده میک که کوره، بیرقطار تکلیف‌لرنینگ عملگه آشیریلگنی باعث، اوشبو وزارت ده فساد کمه‌یگن.
اوشبو کمیته نظارتچی‌لریدن بیری محمداسحاق پویا نینگ ایتیشیچه، بو کمیته ترانسپورت، الکترونیکی وسایللر و ایچکی ایشلر وزیرلیگی نینگ باشقه دارایی‌لری خصوصیده معلومت توپلگن و مذکور معلوماتلرگه کوره، بو وزارت 16 نوع نقلیه واسطه‌لردن فایده‌لنه‌دی و 170 نقلیه واسطه نماینده‌لر کینگشی اعضالری و باشقه مقام‌لرنینگ اختیاریده دیر.
اونینگ ایتیشیچه، ایچکی ایشلر وزیرلیگی‌گه 6500 کمپوتر و باشقه برقی وسایل موجود و اولردن بیرقطارینی «تگ نمبر» یوق عادی شکلده رویخط گه آلینگن و باشقه قورال و اوروش وسایللری بیللی شکلده رویخط گه آلینگن.
اداری فسادگه قرشی کوره‌شنی تیکشیریش و نظارت قیلیش قوشمه کمیته یا-ده میک، دولتی اداره‌لرده اصلاحات کیریتیلیشی اوچون تکلیف‌لرنی ارایه قیله‌دی و مذکور تکلیف‌لر عملگه آشیریلگنی‌دن سونگ، قیته‌دن تیکشیره‌دی.