افغانستان ایچکی ایشلر وزیرلیگی‌نینگ ایتیشیچه، بیرَم کونلریده مملکت خوفسیزلیگی‌نی تأمین‌لش اوچون خاص برنامه‌لرنی قولگه آلگن‌لر.
بوگون خبری بیر ییغینده نطق سوزله‌گن ایچکی ایشلر وزیرلیگی‌نینگ مطبوعات دفتری سرپرستی نجیب دانش‌نینگ ایتیشیچه، اوشبو برنامه‌لر کته شهرلر، تفریحی ییرلر و قتناو یوللرده عمل‌گه آشیریله‌دی.
جناب دانش‌نینگ کوپه‌یتیریشیچه، بیرَم کونلریده شادیانه اوقیش آتیش و پارتلاوچی ماده‌لردن فایده‌لنیش منع ایتیلگن و عامل‌لری قولگه آلینیشی ممکن.
شونینگ‌دیک، اوشبو ییغینده بیانات بیرگن ساغلیق‌نی سقلش وزیرلیگی‌نینگ ساغلیک بولیمی اورین باسری فدامحمد پیکان‌نینگ ایتیشیچه، مملکت بویلب بوتون ساغلیک مرکزلری و کسلخانه‌لرگه بیرَم کونلریده یشاوچیلرنینگ ساغلیگی اوچون جدی شکلده ایش قیلینیشی خصوصیده بویروغ بیریلگن.
عین حالده، ساغلیق‌نی سقلش وزیرلیگی رسمی‌لری، هیداوچی‌لردن بیرَم کونلریده ترافیکی قانونلرنی نظرگه آلیب و یشاوچیلرنی قیین‌چیلیک‌که دوچار قیلمس‌لرینی سوره‌دی.
