.jpg)
اوتگن 1395- ییل، ایچکی ایشلر وزیرلیگی‌نینگ اداری فسادگه قرشی کوره‌ش اداره‌سی تامانیدن، 4.5 میلیارد افغانی‌دن آرتیقراق پول حیف‌میل قیلینیشی آلدی آلیندی.
ایچکی ایشلر وزیرلیگی‌نینگ اداری فسادگه قرشی کوره‌ش ریاستی مسؤول‌لری‌نینگ ایتیشیچه، اوشبو ریاست، اوتگن قویاش 1395- ییل، ایچکی ایشلر وزیرلیگی‌نینگ تورلی بولیم‌لری اینیقسه کوپراتیف‌لریده 4.5 میلیارد افغانی‌دن آرتیقراق پول حیف‌میل قیلینیشی آلدینی آلگن و بو مبلغ‌دن حاضرگچه بیر میلیارد افغانی‌سی توپلنماقده.
مذکور وزیرلیک‌نینگ اداری فسادگه قرشی کوره‌ش اداره‌سی باشلیغی حمید حمیدی‌نینگ ایتیشیچه، اوتگن ییل، اوشبو اداره‌ده اداری فسادگه تیگیشلی 890 دوسیه رویخط‌گه آلینگن و 105 دوسیه تیکشیریلیشی نتیجه‌سیده، ایچکی ایشلر وزیرلیگی‌نینگ 15 بلند مرتبه‌لی و 40 قویی مرتبه‌لی افسری شامل 262 کیشی باش قاره‌لاوچیلیک‌که تانیشتیریلگن.
اونگه کوره، مذکور 262 کیشی، اداری فساد، حیف‌میل، وظیفه‌گه بی‌فرق یانده‌شیش، وظیفه‌دن ناتوغری فایده‌لنیش، قرضدارلیک و دولت‌گه قرشی زیان ییتکزیش جرم‌لرگه عیب‌لنگن‌لر.
.jpg)
جناب حمیدی‌نینگ ایتیشیچه، ایچکی ایشلر وزیرلیگی‌نینک کوپراتیف‌لریده بیر میلیارد افغانی‌دن آرتیقراق پول‌نی حیف‌میل قیلیش‌گه عیب‌لنگن‌لرنینگ دوسیه‌لری اداری فسادگه قرشی کوره‌ش عدلی و قضایی مرکزی‌گه یوباریلگن.
ایچکی ایشلر وزیرلیگی اداری فسادگه قرشی کوره‌ش اداره باشلیغی‌نینگ کوپه‌یتیریشیچه، شونینگ‌دیک، ارزگان، هلمند و ننگرهار ولایت‌لری‌نینگ پولیس قومندانلری تامانیدن ایشلاوچی‌لرنینگ آیلیک‌لریدن حیف‌میل ایتیلگن 30 میلیون افغانی قیتریلیب عسکرلرگه ترقه‌تیلگن.
مذکور وزیرلیک‌نینگ اداری فسادگه قرشی کوره‌ش ریاستی مسؤول‌لریگه کوره، 1395- ییل اداری فسادگه تیگیشلی دوسیه‌لر رقمی اوتگن ایکی ییل‌گه قره‌گنده آزه‌یگن، بیراق باش قاره‌لاوچیلیک‌که یوباریلگن اداری فساد دوسیه‌لری میزان آشگنینی کورسته‌دی.