.jpg)
افغانستان ایچکی ایشلر وزیرلیگی نینگ اورین باسری، ملی پولیس صفیگه عیاللرنی جلب و جذب قیلیش ینه اولر قابلیتینی آشیریش اوچون معیین لایحه‌لر بار دیگن. لایحه اساسیده عیال پولیسلرگه بوتون قولیلیکلر نظرده توتیلگن دیدی بو رسمی.
بوگون افغانستان انسان حق و حقوقلری مستقل کمیسیونی آرقه‌لی «انسان حق و حقوقلری قدریتی باره‌سیده معلومات بیریش و امنیتی کوچلر ایچیده‌گی انسان حق وحقولری بوزیشنی نظارت قیلیش» نامیده اوتکزیلگن ییغینده سوزله‌گن وزیرلیک نینگ معاونی اکرام‌الدین یاور، وزیرلیک عیال پولیسلر مقابلی‌ده‌گی بوتون کمسیتیشلرنی کوتاریش همده بو قتملنی حمایت ایتیش اوچون جدی سعی و حرکت آلیب باره یاتگن لیگی خصوصیده اورغوله‌گن.
جناب یاور، مملکت ایچکی ایشلر وزیرلیگی‌نینگ چهارچوبه‌سیده فعالیت قیله‌دیگن عیال پولیسلرگه نسبتن موجود کمسیتلیشلرنی کوتاریش نیتیده اوچ ییلدن بیری ایش قیلینیب کیلینماقده لیگینی بیلدیرگن.
ایچکی ایشلر وزیرلیگی نینگ مسووللری، پولیس عیاللر حربی قابلیتینی آشیریش اوچون هلیگچه 1600 عیال تورکیه گه یوباریلگن لیگینی تیلگه آلگن. شونینگدیک یقین آره‌ده ینه 350 پولیس باشقه دولتلرگه یوباریلیشی انابتگه آلینگن لیگی ایتیله‌دی.
.jpg)
مملکت‌ده انسان حق وحقوقلری فعالیتی بیلن مشغول تشکیلات، ایچکی ایشلر وزیرلیگیدن انسان حق وحقوقلری سقله‌نیشی، قابلیت‌نی آشیریش، جنسی زورآورلیک آلدی آلینیشی و عیال پولیسلرگه نسبتن کمسیتیش بولیمیده کوپراق ایش بولیشی اوستیده تاکید ایتگن.
کمیسیون نینگ باشلیغی سیماسمر ایچکی ایشلر وزیرلیگی نینگ رسمیلریدن، معافیت فرهنگیگه پایان بیریلیشنی طلب قیلگن. پولیس عیاللرنینگ انسانی حق وحقوقینی آیاق آستی قیله دیگن هر بیر شخص قانون بووییچه جواب بیریش کیره‌ک دیگن خانم سمر.
انسان حق و حقوقلری بووییچه کمیسیون نینگ رییسی، بوتون عیال پولیسلردن جنسی زورآورلیک‌که مجبور ایتیلگن حالده، هیچ کیمدن قورقمسدن مذکور کمیسیونگه مراجعه قیلیشلری باره‌سیده علیحده تاکید ایتگن.
