سلام‌وطندار اجتماعی گزارشلری تیزیمی‌ده، دولت و نادولت اداره‌لریده جنسی زوره‌وانلیک‌که قربان بولگن قطار کیشی‌لر بیلن صحبت اوتکزگن. اوشبو صحبت‌لر توپله‌می بیر خاص لایحه‌گه جایلشتیریلگن. صحبت اوتکزگن‌لرنینگ برچه‌سی‌نینگ آتی مستعار دیر؛ بیراق حکایه‌لر حقیقی.
.jpg)
زهره: تورموش اورتاغیم ترک ایتگنی‌دن کیین، تورلی اقتصادی قیین‌چیلیک‌لرگه روپه‌ره بولدیم. کابل دیک شهرده اوی خرجتی‌نی توللش جوده هم قیین توشه‌دی، اینیقسه بار و یوقی اوچ یاشر فرزندی بولگن بیر عیال‌گه. هر بیر ییرده ایش‌دن سوز یوریتیلگن چاغده، او ییرده باش اوریب و ایش تاپیش اوچون سعی و حرکت قیلردیم. کم بغل‌لیک و ناچارلیک‌دن پولیس تشکیلاتی‌گه قوشیلدیم. دستلب برچه نرسه یخشی ایدی. قطعه قومندانی رویخط باسقیچی‌نی تیزلیک‌ده ایلگری آلیب باردی. بیراق عسکر بولگنیم‌دن کیین، حجتیم‌نی آلدی‌گه سقله‌دی؛ حقیقت‌ده اولرنی قورشاوگه آلدی. مینی دفتری‌گه چقیردی. مین هم قضیه‌دن خبرسیز دفتری‌گه باردیم. دفترگه کیرگنیم‌دن کیین، قومندان ایشیک‌نی یاپیب و جانیم‌گه قول اوردی. اویَت‌دن سیسیم‌نی چیقاره آلمه‌دیم. اچیق تجربه‌دن کیین، قومندان تورلی نرسه‌لرنی بهانه قیلیب ایش دفتریم‌گه کیلردی و مینی نظارت قیلیب و انچه مدت مینگه تیکیلردی. بو کیشی‌نینگ حرکتی‌گه شونچه‌لیک چیده دیم که درحال برچه نرسه اوزگردی و دایما قولی‌دن قوتیلدیم.
سمیرا: 9 آی بوش ایدیم. نتیجه‌ده بیر کون بیر اورتاغیم قونغیراق قیلدی و ینگی‌لیک‌ده ایجاد ایتیلگن بیر انستیتوت‌ده دفتر کاتبی صفتیده ایشله‌شیم‌نی سوره‌دی. مین هم ایش‌سیز بولگنیم اوچون قبول قیلدیم. ینگی ایشیم‌دن بیر هفته اوتدی. برچه نرسه قولی ایدی و بوتون دفتر اعضاسی مین بیلن یخشی حرکت قیلردی. بیراق انچه زمان اوتگنیدن کیین، دفتر باشلیغی‌نینگ فکری اوزگردی. کونلردن بیرکون مین و دفتر باشلیغی دفترده یالغیز ایدیک، باشلیغ اوزینی مینگه یقین‌لشتیریب و یانیم‌ده اولتیردی. مینگه یقین‌لش اوچون اورینردی. اوزیم‌نی اوزاق قیلردیم و او مینی چوکیم‌نی آلدی‌گه تارتردی. مین قورقیب نیمه قیله‌سن دیب سیس چیقاردیم. جوده هم قورقگن ایدیم. بیر ایش قیلمه‌سین دیب قورقردیم. عین پیت‌ده بیر کیشی مینگه قونغیراق قیلدی و باشلیغ هم مین‌دن اوزاقله‌دی. اوشه کوندن فکریم بوتونله‌ی اوزگردی. باشلیغ بیلن باشقه یخشی حرکت قیلمردیم. او هم مینی توشینگن ایدی. واقعه‌دن بیش کون اوتگنیدن کیین، بیر بهانه بیلن مینی دفتردن چیقاردی و قیته‌دن بوش بولدیم. راحت‌لیک‌ده ایش‌دن وازکیچیب و اوی‌گه قیتدیم.
نرگس: میدیاگه ایشلش اوچون جوده هم قیزیقردیم. نطاق‌لیک‌نی سیوردیم و هردایم بیران تلویزیون ترماغی‌ده ایش‌گه اوتیش اوچون سعی و حرکت قیلردیم. اورتاقلریم، عایله‌م و استاذلریم، مینی هردایم بو ایش‌گه آلقیش‌لردیلر. خرسندلیک‌ده میدیالردن بیریده ایش‌گه کیردیم. برچه آرزو و ایستک‌لریم‌گه ایریشگنیم‌نی اویلردیم. ایشیم باشله‌نیشیدن بیر کون آلدین؛ تلویزیون باشلیغی، مین بیلن یمان حرکت قیلیب دوست‌لیک و اوزی بیلن تورموش قوریش‌گه تکلیف قیلدی و قبول ایتمه‌گن تقدیرده، مینی چیقاریش‌گه تهدید قیلدی. اوشه کون‌نی ایرته‌سی او تلویزیون‌گه قدم قویمه‌دیم و باشقه نطاق‌لیک‌که هوس قیلمه‌دیم.
