حبیب‌الرحمان 5 ییل آلدین حربی کوچلر تشکیلاتی گه قوشیلگن بیر عسکر دیر. او، ایریم ولایت‌لرده عصیانچی گروهلرگه قرشی عملیات‌لرده اشتراک قیلگن و قاش هم قاقمه‌گن؛ بیراق عایله‌سیدن اوزاق بولگنی اونگه آغیر تمام بوله‌دی.
اوشبو حربی عسکر اوچ آیدن بویان اویی گه بارمه‌گن؛ عایله‌سی و 5 یاشر بولگن باله‌سی بیلن علاقه قوره‌دیگن بیرینچی یول تلیفونی صحبت قیلیش دیر.
حبیب‌الرحمان نینگ ایتیشیچه، مملکت‌دن مدافعه قیلیش و اهالی خوفسیزلیگی‌نی تأمین‌لش بیرینچی ایشلریدن دیر و شو یوزه‌دن عایله‌سیدن اوزاقلیک‌که چیده‌یدی.
مذکور حربی عسکر 10 کیشی‌لیک عایله‌سی‌نینگ خرجتی‌نی 19 مینگ افغانی بولگن آیلیگی‌دن تأمین قیله‌دی.
حبیب‌الرحمان گه کوره، آیلیک حقوقی عایله‌سی‌نینگ نیازلرینی یخشی بیر شکلده تأمین قیله‌دی و او، اویی‌نینگ باشقه ایشلریگه ییتیشیش اوچون ییل‌لیک رخصتی‌لریدن فایده‌لنه‌دی.
اونینگ ایتیشیچه، ملی حربی تشکیلاتیده اولکه‌دن مدافعه قیلیش و افغانستان اهالیسی‌نینگ دشمن‌لرینی نابود ایتیش اوچون عسکرلیک قیله‌دی و بو یولده جانینی فدا قیلیش گه هم تیار دیر.
حبیب‌الرحمان اوتگن ییل‌لرده قتیق حربی تعلیمات‌لرنی باشیدن اوتکزگن؛ بیراق حاضر هم بدخشان ولایتیده‌گی حربی کوچلرنینگ ایکینچی لواسیده باشقه عسکرلر بیلن بیرگه حربی تعلیم قیلیب و هر زماندن کوره هجوم یا-ده مدافعه قیلیش گه تیاگرلیک آله‌دی.
مذکور حربی عسکرنینگ ایتیشیچه، حربی تعلیمات‌لر جریانیده کوپلب تجربه کسب قیلگن و حاضر یخشی تجربه و امکانیت گه ایگه بولگن.
شو توغریده…
یومشاق و سیکین سیسی بیلن بلی دیدی
باله‌لیک ایسته‌گیم عسکر بولیش ایدی
حبیب‌الرحمان نینگ قانلی اوروشلر و اوروش میدانلریدن اچیق ایستده‌لیک‌لری هم بار؛ همسنگرلرینی قولدن بیریش و طالبان گروهی‌نینگ قمراویده قالیش ایستده‌لیک‌لری. اونینگ ایتیشیچه، نیچه مرته حربی تعلیمات طریقه‌لریدن فایده‌لنیب اوزی و همسنگرلرینی طالبان گروهی‌نینگ پیستیرمه‌لریدن قوتقرگن.
حبیب‌الرحمان حاضر حربی بیر مأموریت گه باریش اوچون تیارگرلیک آله‌دی. اونینگ ایتیشیچه، بوتون حربی مأموریت‌لریده اوزی‌نینگ جانینی سقلش‌دن آلدین، تینچ اهالی گه زیان ییتمه‌سی توغریسیده سعی و حرکت قیله‌دی.
حبیب‌الرحمان گه کوره، حربی مأموریت‌لریدن بیریده طالبان گروهی تامانیدن آتیله‌دیگن توپ‌لر تینچ اهالی گه زیان ییتکیزمه‌سی اوچون اوروش میدانینی بوشتگن.
حبیب‌الرحمان 5 ییل‌لیک مأموریتی جریانیده قانلی اوروشلرگه گواه بولگن. اونینگ ایتیشیچه، بیرینچی ایسته‌گی افغانستانده اوروش یکونلنیشی و اوروش میدانلریده اوروشیش اورنی گه عایله‌سی‌نینگ یانیده آسایشته حیات کیچیریش دیر.
