قطرده طالبان سیاسی دفتری نینگ اعلام قیلیشیچه، قطرده‌گی طالبان سیاسی دفتری اورین‌باسری ملابرادر آخندزاده رهبرلیگیده مذکور گروه‌دن بیر هیأت ایران گه سفر قیلگن.
قطرده طالبان سیاسی دفتری سوزلاوچیسی سهیل شاهین نینگ توییتر صحیفه‌سیده یازیشیچه، مذکور هیأت ایران رسمی‌لری جمله‌دن مذکور مملکت تشقی ایشلر وزیری جواد ظریف بیلن اوچره‌شی ممکن.
ایران بو اوچره‌شوونی تصدیقله‌گن.
شاهین گه کوره، اوشبو اوچره‌شووده تینچلیک پروسه‌سی و ایران مملکتیده‌گی افغانستان مهاجرلری نینگ قیینچلیگی توغریسیده بحث قیلینگن.
شونینگدیک طالبان گروهی سوزلاوچیسی ذبیح‌الله مجاهدنینگ ایتیشیچه، ملابرادر آخندزاده اوتگن کون (سه‌شنبه 5- قوس) ایران تامان سفر قیلگن.
بوگون (چهارشنبه 6- قوس) طالبان سوزلاوچیسی تامانیدن ترقه‌تیلگن خبرنامه‌ده کیلیشیچه، ملابرادر آخندزاده و اونینگ بیرگه‌سیده‌گی هیأت ایران تشقی ایشلر وزیری جواد ظریف و شونینگدیک مذکور مملکت باشقه رسمی‌لری بیلن «افغانستان قیینچلیک‌لرینی قنده‌ی حل ایتیش» و او حقده باشلنگن سعی و حرکتلر توغریسیده هرتامانلمه صحبت اوتکزگنلر.
شو توغریده:
- آمریکا، طالبان گروهی بیلن ینگی بیر کیلیشوو اوستیگه ایشله‌یدی
گزارش: طالبان 2018- ییل‌ده دنیا بوییچه اینگ اولدیرووچی تروریستی گروه تانیلگن
طالبان هیأتی ایران تامان سفر قیلگن
طالبلرنینگ کوپه‌یتیریشیچه، ایران رسمی‌لری افغانستان اهالیسی بیلن یخشی علاقه قوریش توغریسیده امید بیلدیریب و مذکور مملکتده‌گی افغانستان مهاجرلری نینگ قیینچلیک‌لری حل ایتیلیشی توغریسیده وعده بیرگنلر.
اَیتیش کیره‌ک کیم قطرده آمریکا و طالبان آره‌سیده سوزلشوولر لغو ایتیلگنیدن کیین، طالبان گروهیدن بیر هیأت سنبله آیی نینگ 25- سیده ایران سفر قیلگن ایدی.
ینگی‌لیکده آمریکا و طالبان آره‌سیده‌گی سوزلشوولر قیته‌دن باشله‌نیشی اوچون سعی و حرکتلر باشلنگن.
کابل‌ده طالبان گه یقیین منبعلرنینگ رسانه‌لرگه ایتیشیچه، قطرده آمریکا و طالبان هیأتی آره‌سیده غیررسمی سوزلشوولرنینگ دوامی بار.
