بوگون «چهارشنبه» ایرتهلب ترقلگن گزارشلر اساسیده، اوچ قوراللی هجومچی ایران اسلامی کینگش مجلسیگه هجوم قیلگنلر و نتیجهده مجلس امنیتی کوچلریدن 2 کیشی، نمایندهلر دفتری ایشلاوچیلریدن 2 کیشی هلاک بولگن و باشقه مراجعه قیلگنلر شامل 10 کیشی یرهلنگن.
هجومچیلرنینگ کیملیگی حاضرگچه معلوم بولمهگن.
ایتیلیشیچه، هجومچیلر نمایندهلر دفتری جایلشگن مجلسنینگ شمالی بنالریگه تامان هجوم قیلگنلر.
مجلس تشقی سیاستی و ملی خوفسیزلیک کمیسیونی سوزلاوچیسینینگ ایتیشیچه، هجومچیلردن 2 تهسی قولگه آلینگن.
باشقه بیر تاماندن قوراللی کیشیلردن بیرقطاری، اسلامی جمهوریت اساسچیسینینگ مقبرهسیگه کیریب اوق اوزیشگن و نتیجهده بیر کیشی هلاک و باشقه 5 کیشی یرهلنگن.
