1گروهی ایران اتم برنامه‌سی اوچون تعین قیلگن مهلت پنج‌شنبه کونی اوز پایانیگه ییتیدی. فرانسه، آلمان و بریتانیا تشقی ایشلر وزیرلری بوگون کیچ قرونده اتریش پایتختی وین روسیه و چین‌لیک هم‌کسبلری بیلن اوچره‌شیشلری کوتیله‌دی.
امریکه و ایران تشقی ایشلر وزیرلری جان کرزی و محمدجواد ظریف‌لر حاضر وینده بوله‌دی. بولر شنبه و یک‌شنبه کونلری تورت مرته اوچره‌شیب ملاقات قیلگن‌لر.
باشقه تاماندن، روسیه و چین تشقی ایشلر وزیرلری سه‌شنبه و چهارشنبه کونلر «بریکس» اقتصادی گروهی‌نینگ ییغین‌ده اشتراک قیلیشلری کوتیله‌دی.
انه شو سبب هم تامانلر بیر معین نتیجه‌گه ایریشیشی اوچون مهلت ایتیلگن زمان آزلیگی ایتیله‌دی.
وین ده‌گی فردا رادیوسی‌نینگ گزارشیگه کوره، ملاقاتدن نیت سونگی اولتیریشلر باره‌سیده بیر معین قرارگه کیلیشدیر. ییعین نتیجه‌سیدن سونگ، بیرلشگن ملت‌لر تشکیلاتی بو توغریده بولگن اوز قطعنامه‌سینی صادر قیلیشی کوتیله‌دی.
رویترز خبر آژانس‌لیگی‌گه کوره، هنور گچه هم ایران اتم برنامه‌سی اوستیده‌گی تحریم‌لر حل ایتیلمه‌گن. ایران تشقی ایشلر وزیری و 1+5 گروهی‌نینگ بلند مرتبه‌لی رسمی‌لری بیلن اوچره‌شیب بو توغریده مذاکره قیلیشی ایتیله‌دی.
اتم برنامه‌سی اوچون مذاکره قیله‌دیگن اعضالریدن عباص عراقچی‌نینگ اوتگن کیچه وینده بیر تلویزیونی برنامه‌گه ایتشیچه، قیینچی‌لیک‌لر هنوز حل ایتیلمه‌گن. «بیز معمالر حل ایتیلیشی اوچون هر تامانمله معین بیر رجه گه ایریشیشیمیز لازم»
شونینگ‌دیک عراقچی، 1+5 گروهی بیلن ایران اورته‌سیده کیلشووی متنی نهایی بولگن‌لیگی باره‌سیده خبر بیرگن. «هیچ بیر زمان آلدین اوتکزیلگن مذاکره‌لرده بونچه‌لیک آلغه سیلجیشلمه‌گن»
بوندن آلدین 1+5گروهی ایران بیلن کیلیشگن حالده، ایرانگه قوییلگن ایریم تحریم‌لر مساله‌سی حل بولیشی کوتیلردی. لیکن عراقچی‌گه کوره، «هنوزگچه هم بو خصوصی‌ده عمومی شکلده کیلیشیلمه‌گن»
ایکله تامان ایران اتم برنامه‌سی اوستیده کیلیشگن حالده، ایران بیلن غرب اورته سیده‌گی موجود قیینچی‌لیک‌نینگ ییریک قسمی حل ایتیلردی. ایران سابق جمهور رییسی محمد احمد نژاد زمانیده غرب بیلن ایران اورته‌سیده وجودگه کیلگن ضدیتلر هنوزگچه هم بو مملکتنی تورلی ساحه لرده مشکللرگه دوچار قیلیب کیلماقده.
